我哋經常都會假定年紀愈大嘅男人，就愈鍾意後生嘅女人，但呢個諗法最近就被一個芬蘭嘅研究推翻咗！學者指佢哋嘅研究結果發現當發展一段比較親密同穩定（唔止肉體上）嘅關係時，男人都係對同自己年紀相近嘅人更有興趣。
呢項研究總共有2676受訪者，結果顯示年長嘅單身男性其實樂意同相同年紀嘅女性拍拖。雖然年過60歲仲停留喺拍拖階段嘅人都俾人感覺情況會比較複雜，但其實學者話成熟女人嘅吸引力其實同男人想揾後生女仔做性伴係一樣㗎！你又認唔認同呢？
無論係咪事實都好，長久以嚟男人都俾人一種感覺，覺得佢哋找尋伴侶嘅時候用「下面」思考多過用個腦。網上成日都見到千百個女人喺度埋怨好難揾到一個好男人，因為好嘅通常係都去左揾個後生女，唔輪到自己咁話。
但研究結果話畀我哋知，呢個諗法係時候要改變喇！唔係所有老啲又事業有成嘅男人都等如係"sugar daddy"㗎！
咁到底呢啲鍾意成熟女性嘅鑽石王老五喺邊？咁就真係要睇咁多位熟女揾唔揾到喇！
（圖片來源：tumblr）
