【裝修風水學】大掃除都要睇風水！必睇9大須知！

（文： 巨龍）

話咁快就到新年啦，臨近年尾，好多朋友都會大掃除，洗走邋遢，寓意洗走晦氣、洗走唔好嘅野，希望下年可以順順利利。但唔講唔知，大掃除原來都有好多地方需要注意架，究竟實情係點？裝修佬話你知。

春節大掃除風水講究 

1. 不宜大動作裝修 

春節期間不宜大興土木，進行大動作嘅室內裝修，儘量避免鑽牆，避免位置流動遇凶煞致不吉，如果要裝修，盡量係新年前一個禮拜完成。 

2. 大門不宜換 

大門係風水學中有重要嘅作用，掌管納氣嘅好壞，大門正值五黃、二黑病等凶星飛臨，咁啱有改動或換咗，為大忌，或引起唔吉利嘅事，所以大門可清潔，不可換。

3. 房間床位不宜大調整 

主人房比喻妻星位，過年換位唔吉利，廚房、廁所等則可以換舊改新。 

4. 購買傢俱有要求 

過年購置新傢俱不適宜為三角形，菱形或奇怪形狀，傳統風水喜方方正正，圓圓滿滿。

5. 擺迎春花卉有講究 

如桃花、梅花，可擺係大門隔離表示報春迎春，選擇茶花，君子蘭可擺係房間令家庭和睦相處，富貴竹、發財樹等可擺放係客廳象徵文明富貴。 

6. 雪櫃米缸為空不吉 

過年雪櫃不可空空如也，米缸亦要補滿，因為寓意同衣食緊密相關，補滿象徵屋企衣食無憂。 

7. 廚房不宜掛鏡 

廚房掛鏡禁忌之一，鏡唔可以照到爐火，如果懸係爐子後面嘅牆上，照到鍋中食物，傷害更大，會令住宅遭受火災或不幸。 

8. 廚房不應掛蒜頭、洋蔥、辣椒等 

會容易吸收陰氣，另外廚房中嘅各種菜刀或水果刀不應掛係牆上，或插係刀架上，應該放入櫃桶收好。 

9. 廚房裝修顏色不宜深 

如果屋企廚房一直用深色調，不妨係新一年來臨之際，將廚房重新佈置，顏色宜以淺色為主，如白色、象牙色等。

(以上圖片均來自網路，如有任何版權問題，請與本站聯絡)