（圖片來源：docomo）
講到對衛生、整潔嘅注重，相信日本人認第二，世界上都無乜幾多個敢認第一。
最近喺東京嘅成田國際機場洗手間，旅客發現喺平常嘅紙巾架格離，添置咗有一舊細細粒嘅迷你捲巾。當你仲諗緊佢有咩用途嘅時候，日本方面就已經出咗條片嚟解答大家嘅疑惑喇！
（圖片來源：docomo）
有研究指出，手機熒幕嘅含菌量比廁所板高出5倍咁多，所以注重清潔嘅日本人一於諗諗新意思，推出呢個清潔手機熒幕嘅除菌紙巾，抹完直接沖落廁所就OK。紙巾上面仲印埋歡迎字句同教遊客點用佢哋嘅Wi-Fi服務，真係相當貼心！
（圖片來源：gaijinpot）
其實日本人非常重視洗手間嘅設計，好多大廈都設有先進嘅全自動廁所，例如係暖座同自動噴水功能。甚至有一樣專為女性而設、叫做「音姬」嘅智能設備，可以按動佢發出虛擬嘅沖廁聲，用嚟掩蓋如廁期間令人尷尬嘅聲音，咁女仔就可以毫無顧忌去個安樂廁所，就算大聲咗都唔怕俾格離聽到啦。
