【聖誕親子遊】國際知名魔術大師來港表演！超時空魔幻匯演@海洋公園

自上次我地係澳門睇過魔術表演之後，小小豬成日都意猶未盡樣，成日問我幾時帶佢再去睇魔術。終於有機會啦...…因為我地今日應邀嚟海洋公園欣賞佢地嘅聖誕重點活動「超時空魔幻匯演」。

今次海洋公園邀請了國際知名魔術大師來港獻技，包括真人騷 - 全澳一叮（Australia's Got Talent) 總決賽入圍者Michael Boyd 及Soul Mystique(TM)。一個國際性嘅表演，真係好值得聖誕嚟欣賞依個咁勁嘅魔術表演呀！

我地超榮幸，因為我地係可以欣賞第一場次嘅「超時空魔幻匯演」，小小豬都好期待，簡直係未入場先興奮呀！

每日會有四場，大家要留意時間，因為要霸個靚位去睇SHOW呀～

一入到場就見到超大型LED舞台，好正咁～

係未正式大型「超時空魔幻匯演」之前，先有魔術師同大家嚟個小表演。

仲會教在場小朋友玩小魔術添(想同魔術師玩就記得要坐前啲啦)。

最後仲教大家玩一個小把戲，當然魔術師係有佢嘅辦法，我地都係學唔到啦...…哈哈～

一場科幻舞蹈演員為「超時空魔幻匯演」打開序幕。

之後就由「全澳一叮」總決賽入圍魔術師為我地大玩魔術。

魔術師仲將佢個拍擋升上半空，真係睇到我地嘩...嘩....聲呀~

之後就由另一位魔術師為我地表演扇子，由大變細再由一變四動，真係好厲害～ 

之後另一位魔術師就表演極速換衫，我都睇唔切佢地換左幾多套衫，真係換得勁快！

仲有一個比較驚嘅表演，表演者只係用條頸嚟轉轉轉，睇到我都好緊張。

仲有移形換影都睇到我驚驚！

最後依個大型魔術就真係睇到小小豬都好驚，因為魔術師被困大型裝置內，仲要大鋸斬落去，真係有點心寒。

最後當然魔術師就由山頂安全地落返嚟。

每一個項目都真係好精彩，大家都睇得好興奮。

最後我地仲同魔術師嚟一個大合照。

睇完精彩嘅「超時空魔幻匯演」，我地就當然係去玩啦，我地仲約埋SY哥哥、魚子醬同埋小K一齊玩，見到咁見聖誕佈置，我地當然嚟影下相，提早感受聖誕氣氛啦！

之後三個男孩子就計劃去邊度玩。

傾好晒就齊齊搭登山纜車去高峰樂園啦。

第一站就係去「冰極天地」睇企鵝~

之後又齊齊去睇雪狐。

原本我地都打算去玩過山車，不過小小豬俾另一件事吸引，就係佢話要去射水，仲話要射玩緊激流嘅大仁叔叔(嗱...…唔關我事呀...…真係小小豬自發要做架！) 

路過見到好有聖誕氣氛嘅佈置，好得意呀～

之後我地就齊齊去玩摩天輪。

又去睇鯊魚。

之後我地又搭返纜車返回海濱樂園，時間剛剛好，巨型聖誕樹就亮燈啦，仲不斷播放聖誕歌，好有MOOD。

依個時候就緊係小小豬最鐘意嘅地方，就係去兒童王國大玩特玩喇！

大仁叔叔請食爆谷，依個為食豬緊係唔客氣啦。

之後就齊齊玩青蛙跳樓機~

最後仲玩埋小甲蟲，咁就真係超級大滿足啦。

由於玩左成日，小小豬都玩到攰攰地，所以我地早左走影唔到個聖誕夜景。

不過唔緊要，因為小小豬玩到唔願走，所以有個廿四孝DADDY已經答應左會喺聖誕節再入嚟玩，到時一定要由日玩到夜呀！