冬天凍冰冰，大家應該都會無咁想出街，覺得留番喺屋企打下機好過啦？原來根據外國最近嘅一個研究，男人喺天氣變凍嘅時候竟然係會變得較為「有衝動」，更想同另一半親熱！
喺最近進行嘅一向調查裡面，外國網站《Lovehoney》就曾經邀請過兩組男士喺一年四季裡面，分別觀察只有女性面部，以及只有女性身體的照片。結果發現原來男士無論喺一年四季裡面，佢地其實都非常注重女性樣貌，但對於身體方面，男士則喺12、1、2月時顯得較為有興趣，夏季時則一般沒有太大感覺。
▼男人喺天氣較凍嘅時候，原來係會特別「想要」！
此外同一調查亦都指出即使夏天另一半可能會著得較少布，但男人卻會認為對象喺冬天嘅時候額外有魅力，分外性感。之所以會有咁嘅感覺，或者就因為冬天衣物厚重會令佢地覺得較為好奇，以及更為渴望身體可以獲得對方帶來嘅溫暖。
除此以外專家亦都解釋男性喺冬天嘅時候，荷爾蒙就會因此產生變化，從而令佢地更為「想要」。而且由於冬天天氣寒冷，男性嘅精子質量都會因而提高，所以就會更容易令人懷孕。
