第一次約到女神出街，大家難免都會緊張少少。但如果因為受到興奮同緊張嘅情緒影響，唔小心做左啲自己又唔係好多覺嘅小動作，或者機會就會立即泡湯，搞到女神嚇親唔敢再同你出街！
咪話小編唔點精你！下面呢9樣野你第一次同人約會真係絕對唔好做！如果唔係就真係後果自負喇！
1. 講老土嘅開場白
坊間有好多所謂嘅追女仔秘笈，當中嘅提示其實都係超級老土，係女仔見到你咁做都會起晒雞皮。所以與其跟書照做，不如你都係了解清楚對方同你自己性格如何，自己安排第一次嘅約會吧啦！
2. 觸摸女生
同對方握手呢啲基本禮儀，當然可以照做，但如果第一次約會就攬住人地條腰，又成日趁機刻意同女仔有身體接觸嘅話，人地就會以為你係變態，咁快就手摸摸。
3. 距離太近
除左趁機同對方有身體接觸會嚇親人之外，唔識得保持距離，貼得太近侵犯左人地嘅個人空間都會令女仔感覺好唔自在。搞到人地咁尷尬，人地會再約你出嚟先奇呀！
4. 啤住人
有眼神接觸雖然可以代表你尊重對方，但過於頻密就會顯得你不懷好意，好似盤算緊一啲詭計咁會令人好不安。所以只需要平常心咁自然應對就得，唔好過分刻意。
5. 係唔係都笑
（圖片來源：Giphy）
笑容又係雖然可以代表你嘅善意，但不斷傻笑或者笑點太低都會顯得你性格古怪，而且好似毫不認真咁。所以為左比對方最好嘅第一印象，都係認真少少會較為好啲。
6. 講唔好笑嘅笑話
（圖片來源：msecnd）
同嘻皮笑臉一樣，太過刻意扮到風趣幽默都係會令女士吃不消，甚至係產生厭惡嘅感覺。間中講野有少少幽默可以緩和氣氛，但下下都搞gag嘅話就會令人非常反感，尤其係取笑其他人嘅缺點就更打折扣。
7. 過分Gentleman
雖然禮貌無人嫌多，但如果表現得過分Gentleman，乜野都幫女士做晒當正對方係有公主病咁，反而有機會令對方覺得你唔尊重佢，令女仔覺得自己好似只會依賴人而唔夠獨立。
8. 狂讚對方
知道你好鐘意對方先約人出街，但你都唔駛句句都讚到對象天上有地下無咁，太多只會搞到你講嘅野好假，好似隨意就講到出口無乜價值咁。
9. 刻意迎合對方
為左討好對方而做一啲唔合乎自己性格嘅行為，就算比你贏得對方嘅心，相處起嚟都只會令自己辛苦。所以記得同女仔第一次約會，要做番自己而並非要完全迎合對方的要求。
