尋日就曾經同大家分享過空姐空少最討厭嘅乘客行為，今日不如就換個角度，等佢地益下大家，等你地學下11個旅行必學嘅秘技啦！空姐空少公幹基本上都係指定動作，咁究竟要行裝方便、慳家等可以點做呢？
1. 卷衫比摺衫更慳位
（圖片來源：budgettravel）
將每一件衫卷起嚟放，其實係會更加慳位，能令你嘅行李箱有更多空間。
2. 飛機座位坐後啲＝服務其實更為周到
（圖片來源：Pintrest）
座位揀得頭，通常都係想儘快落到機，又或者食到最新鮮滾熱辣嘅食物，好似待遇會好過坐得後嘅乘客咁。但其實根據空姐空少爆料，坐得後嘅乘客反為會得到更貼心嘅服務，例如服務員見到前同後服務燈亮起，都會去左後座先，所以好多時候後座嘅乘客反為更有優勢。
3. 真係唔好坐喺BB附近
（圖片來源：ljkblog）
雖然搭飛機9成都會遇上發脾氣嘅BB仔，但講真你真係唔會想同佢地坐埋同一個區域，因為佢地喊起上嚟都真係幾難頂！所以揀坐位嘅時候，就一定唔好坐喺專為BB同父母而設嘅飛機艙壁位置附近，因為嗰嗰位係專為1歲以下小朋友家庭而設嘅。
4. 重感冒唔好搭飛機
如果你患上重感冒，搭飛機嘅氣壓就有可能令你嘅耳膜受損，除左有機會令你一時間聽唔到野之外，更係好鬼死痛架！
5. Jet lag瞓唔到唔好玩電話
（圖片來源：bestofmicro）
有Jet lag瞓唔著？千祈唔好拎個電話出嚟玩，如果唔係就越玩越精神！習慣臨瞓之前1小時都唔好用任何智能裝置，轉為拎本書睇下，咁就會容易瞓得著一啲。如果仲係瞓喺度一個鐘都瞓唔到，咁就不如起身做下其他野啦！
6. 檢查床單有冇摺痕
酒店床單有摺痕，即係有換過清洗過嘅新被鋪，但如果相反係無摺痕嘅話，就即係代表有人曾經瞓過，唔係全新換過。
7. 唔好錯過免費早餐
如果你無時間去食佢地特定時間嘅早餐，你其實都可以同酒店聯絡，睇下佢地有冇啲輕便嘅食物比你提早帶走。就算只不過係一枝水、一個生果或者一條芝士，都好過乜野都無得落肚啊！
8. 用直髮夾燙衫
去旅行當然無可能帶咁大個燙斗，所以假如你真係有逼切需要，帶個直髮夾可能會更快捷方便。
9. 衣架夾實窗簾
（圖片來源：Pintest）
有時酒店嘅窗簾壞壞地，總會留番一條空隙搞到第二朝陽光透晒入嚟。但原來只要用一個掛西褲嘅衣架，同時夾住兩邊窗簾，就可以避免咁嘅情況發生喇！
10. 睇下住處有冇洗衫服務
有得洗衫就可以執少啲衫，4日嘅行裝就可以縮減為兩日，行李就會輕便好多。
（封面圖片：favim；圖片來源：Tumblr）
