要取悅自己心儀嘅女神，首先就要明白女神心目中對於男神有乜野定義，咁先能夠對症下藥，有效提升自己嘅競爭力。雖然經常都會聽到人地講女人嘅心係難以理解，但講到底對於男神需要擁有嘅條件，有10樣特質基本上都係走唔甩。

1. 外表整潔

靚仔人人都愛，但坦白講世界上並非每個男人天生都係一個靚仔。但就算你外貌並唔係特別標緻，只需要你保持整潔，剪好頭髮、指甲、剃好鬚、穿上合身服飾，其實都能夠以個人獨特個性留住女士嘅心。

2. 正面樂觀

永遠都唔會有人喜歡一個處事負面嘅人，所以將自己睇野嘅角度調節為正面樂觀，大家都會能夠獲你嘅正能量打動，吸引大家注意你。

3. 處事獨立

男性懂得自立，能夠好好照顧自己，為自己作出生活中種種決定，其實都一樣相當吸引，而且容易達成嘅特質。相比一個經常都需要依賴朋友、家人嘅男人，女人當然係會喜歡獨立自決嘅好男人啦！

4. 聰明醒目

能夠以知識為身邊嘅人解困，亦都係一個令人充滿魅力嘅特質。如果你係知書識禮，博學多才嘅話，大家都會好樂意跟你學習，但切記唔好過分賣弄，否則就反為令人相當討厭！

5. 懂得聆聽

好多人面對女性，都會因為對方係異性而唔知點打開話題，或者點樣開解佢地嘅心。但如果你能夠用心聆聽佢地所講嘅感受，以個人見解為佢地帶來希望，佢地就會開始信任你，覺得你係企喺佢地個邊，會默默支持佢地。

6. 善於交際

除左要識得聆聽女士心聲之外，識得以圓滑方式同其他人交際都係能夠提升男性魅力嘅一個條件。能夠喺合適嘅場合以社交才能調節氣氛，大家都會非常喜歡你。

7. 風趣幽默

唔少男士本身其實都係風趣幽默，但千萬就唔好將男性之間嘅幽默感帶到女性圈子，講錯笑話冒犯到對方就真係大出洋相！除左要注意自己所講嘅笑話會唔會帶冒犯性之外，你都應該要注意唔好成日都開玩笑，因為咁樣嘅話就只會令人覺得你吊兒郎當，待人處事都唔夠認真。

8. 目標清晰

有清晰嘅人生目標，識得朝住目標奮鬥，就會為身邊嘅人帶嚟可靠感覺。此外對於目標堅定不移，更加能夠反映出你有極強耐性，喺組織家庭方面都會有著全盤計畫。

9. 熱情友善

如果你真係對某位女性有意思，或者你可以更為主動邀請對方出席活動，嘗試約對方出街。能夠比對方知道你非常在意佢，女士自然就會多加留意你，並且亦都會非常重視屬於你同佢之間嘅呢段關係。

10. 自信滿滿

如果連你都唔相信自己，人地又點可以將自己嘅人生交託比你呢？所以記得就算你有齊以上特質都好，都一定要對自己有信心，展示出你獨有嘅個性。

（圖片來源：Tumblr）