【裝修風水學】屋企財位到底在哪裡？原來有7大禁忌！

財位係大家印象當中應該係全屋最好嘅位置，識得運用財位會令我地嘅財運亨通，事事順利，但係又有幾多人可以真正了解財運風水嘅具體位置呢？財位有咩禁忌呢？裝修佬話你知。

（文：巨龍）

咩係財運風水？

風水學財位有象徵性財位同實質性財位，象徵性財位係屬於明財位，即入門嘅左邊或右邊對角線位置，呢個位置最好唔好係走道通路，形成一個角落聚財之象，然後係呢個位置擺放吉祥物，就有增加財源機會。 

家居財位的風水知識 

１財位要有生機 

所謂生機，即生機勃勃，指可以放啲枝葉茂盛嘅植物，但要留意，呢啲植物應用泥土種植，最好唔係水培養，水培養嘅植物根基不穩，意味著財運無根基。財位唔好放啲有刺嘅仙人掌類植物，植物揀大葉，闊葉類植物，大葉嘅植物代表大展宏圖。 

２財位唔好放沉重物 

財位受壓係絕對唔適宜，大衣櫃、書櫃等沉重物壓係財位，將會對全家或公司嘅財運不利，仲會成日感到壓力重重，為財而累。 

３財位適合放招財吉祥物品 

擺放吉祥物件、工藝品，會錦上添花，吉上加吉，會財上添財，特別係碗狀嘅黃金，吸財力量更大。 

４財位後面要為實物 

財位背後應該為牆，因為象徵著財運上有靠山，保證無後顧之憂，咁先可以藏風聚氣，避免後面係玻璃，如果係窗，呢個位置嘅窗要儘量少開，以避免向外散財，一定要令呢個位聚住氣。 

５財位要明亮 

呢個位置唔好太暗，打開燈可以照到呢個地方，明亮就會令財運順，對財運大有幫助，昏暗唔利於財運，暗會令運勢上易出現唔穩定，或係求財上容易受阻礙，遇到波折等等。 

６財位唔好放尖角類物品 

風水學最忌尖角沖射，財位附近唔好有尖角物，應儘量避免擺放有尖角物品尖角類物品會將財運沖走。 

７財位要保持乾淨 

平時要注意打掃財位嘅灰塵，保持乾淨，唔好堆放雜物同放垃圾筒等，否則會污損財位，令財運大打折扣。

(以上圖片均來自網路，如有任何版權問題，請與本站聯絡)