好多人都會話「有錢都買唔到快樂」，但究竟呢個講法係有冇根據嘅呢？最近外國就有研究發現使錢其實係能夠令你變得比其他人開心，但當然更重要嘅就係首先你要懂得將錢用喺適合嘅地方。
首先根據2003年，由心理學教授Leaf Van Boven及Thomas Gilovich所共同進行嘅研究，調查結果指出當人將金錢花費喺一向經歷，而並非一樣物件上嘅時候，人就自然會比用錢之前變得更為開心。
之所以會有呢種愉快嘅感覺，研究顯示最大原因係因為物品所能夠帶比大家嘅歡樂感覺，往往都係非常短暫，但相反一向經歷卻能夠令你留下美好回憶，讓日後回味時，依然可以一輩子會心微笑。
▼ 如果錢係用喺經歷上，而並非物件，人就能變得更為開心。
更甚嘅係喺最近公布嘅另一研究裡面，Gilovich更補充喺集中研究人們花費習慣及感覺之後，發現大家原來喺花費金錢於一項體驗之前，例如去旅行、參加活動或是歷險，無論活動價錢是否昂貴，都必定會比等待購買一樣實體產品嘅感受較為正面。
所以如果將去旅行同買番一部新iPhone相比，記得去旅行係一定會比買野開心得多，而且愉快嘅感覺都會持續得耐啲架！
