果迷必儲！蘋果20年產品圖鑑香港都買到

古有武林人士修練《葵花寶典》，今有果迷必睇《Designed by Apple in California》20年設計寶典。作為資深果迷，一定要買嚟支持，如果你中途加入，對蘋果歷史一知半解，更加要靠呢本圖鑑豐富對蘋果產品嘅認識。

官方表示書中收錄蘋果公司近20年所設計嘅產品，向已故創辦人Steve Job致敬，由1998年初代iMAC開始，到上年發售嘅Apple Pencil都一一盡錄，超過450張相有排睇。識計數嘅你或者留意到少咗3年，可能係包埋開發期啩？

圖鑑分兩個sizes，大本尺寸係13吋x16.25吋，售HK$2,388)；細本尺寸10.2吋x12.75吋，售HK$1,588)。美國時間11月16號喺官網上架，即係香港時間今晚凌晨，Apple香港官網都買到。