根據唔少科學研究，夢境反映嘅其實係個人腦內嘅潛意識，因此發生喺夢裡面各大小二事，都係同大家現實生活及遭遇有所關連，而並非絕無意義嘅幻想世界。

你有冇曾經喺夢境中同意想唔到嘅人親熱呢？假如有嘅話，或者就代表左以下各種意思：

1. 同同事親熱

有時候我地喺夢境中親熱嘅對象，並非意味左現實中真係對佢地有非分之想，而只不過係代表左我地喺現實中嘅處境。假若你喺夢境中見到自己同工作嘅夥伴親熱，咁就意味左你希望同對方嘅關係破冰，想有更多交流令工作更加有效率。

2. 同前度親熱

如果夢見自己同前度錢熱，感覺當然會非常奇怪，特別係大家根本唔係和平分手。喺夢境中遇見前度，其實有可能代表左你嘅傷口依然未曾完全癒合，而夢境則成為左療癒嘅方法，令你能夠喺現實中重新出發。因此假若你喺夢境中遇上你唔想再見到嘅前度，佢其實就只係代表左你從前曾經愛過嘅一個形象，可以療癒現在嘅佢傷過你嘅心。

3. 同名人親熱

名人高不可攀嘅地位，其實就代表左你希望自己可以喺現實中表現得更為成功，成為眾人焦點，能夠向著目標勇往直前。另外，假如你夢到同名人親熱，亦都意味左你認為自己同嗰位名人有著一定聯繫，而且有少許相似。

4. 同朋友親熱

當講到解夢嘅時候，大家要記得夢境出現嘅畫面其實都只不過係一啲符號，背後其實仲有更深層嘅意義，因此如果你喺夢境中發現自己竟然同身邊好友親熱，或者係因為你地近排關係有所變動及磨擦，並希望自己可以做番啲野補救，理解朋友嘅難處修補關係。

5. 同朋友嘅另一半親熱

喺夢境之中，你可以達成只係屬於自己嘅秘密慾望，而並不需要喺實現中執行，面對及後所出現嘅惡果。因此就算你喺夢中見到自己同朋友嘅另一半親熱，只要你喺現實中並沒有非分之想，收藏住呢個小小嘅秘密其實都無關痛癢。

6. 同平常唔會發生關係嘅性別親熱

如果你平常只會同異性親熱，無端端夢境中你卻同同性有親密關係，或者咁就代表左你希望平衡番自己嘅現實生活，從屬於平常唔會發生關係嘅性別當中學習佢地嘅長處，改善你現實中失衡嘅現況。

7. 同上司親熱

就算你上司本身並不討好，喺夢中遇見自己同佢親熱，其實都意味左你工作上正出現正面變化，代表你想同上司有所聯繫。雖然你喺夢境中同佢親熱，但現實中你卻唔需要額外擔心，因為此並非代表你希望想用性愛換取晉升等工作機會。

8. 喺不尋常嘅地方親熱

喺夢境中於唔尋常嘅地方親熱，其實就正正提醒左你應該同另一半溝通一下，睇下可以點樣喺現實中配合，刺激下二人之間嘅感情生活，同時增添性生活情趣。

9. 與性有關嘅噩夢

有時候同性有關嘅夢境可能係非常恐怖，例如遭遇到強暴等嘅情節，都會令人瞓醒之後感到相當不安，解讀不當或者更會纏繞住你一段時間。雖然恐怖嘅夢境會令你恐懼，但其實同性有關嘅噩夢有時候卻係代表你需要面對過去發生過嘅事情，同時於夢境中發掘解決辦法，改變自己未來。

圖片來源：Tumblr