馬嘉均宣傳新歌《仍未忘記》感恩父母支持

歌手馬嘉均日前接受有線音樂節目「樂壇第一手」訪問，宣傳新歌《仍未忘記》。馬仔更首次自彈自唱，為保水準演出，事前特訓兩日，怎料弄巧反拙搞到聲沙，幸而順利演出。

馬仔坦言新歌勾起很多昔日回憶，談及父母更流下男兒淚：「講父母個度真係眼濕濕啊！你知做Band仔都搵唔到大錢，試過開自己嘅演唱會，又試過幾個月冇收入，亞媽擔心又唔敢問，佢成日借頭借路問我近況，做仔做到咁真係好內疚。好在依家簽左公司，佢地先至放心啲咋！」。

為宣傳新歌，馬仔除了音樂創作提供意見之外，更化身導演拍攝網片及MV：「我真係好鍾意做創作架，MV仲試下航拍，不過依家先知可能係犯法，真係要小心啲先得！而網片我都搵左好多舊朋友訪問，講番啲難忘往事，就連暗戀對象都肯出鏡，不過依家嫁左人唔敢諗喇！」