《兇手還未睡》 林家棟、文詠珊首度合作 文Cut機後嚎哭十分鐘

家棟在上半年另一部作品《樹大招風》中心狠手辣的演出備受矚目，受到各界觀眾正評，賊王季正雄一角有望令他更上一層樓。今次《兇手還未睡》更令人期待家棟在演出上的突破，一次過挑戰廿四孝老公、家暴、召妓、雙性戀多重傾向及性格，難度勁高。今次家棟與同樣追求真實感的對手文詠珊對戲，當中一場家暴打老婆場口，更讓文詠珊完成拍攝後未能即時抽離，拍完這一場蹲在地上嚎哭十分鐘，還在不停喘氣，嚇壞現場包括家棟在內的所有工作人員。家棟見狀亦慌了神，笑說以為自己下手太重：「我真係好怕打女人㗎！」後來Janice回神後表示：「我真係冇所謂，只要出嚟效果大家覺得真實，呢個就係導演同我地都想要嘅效果。所以我自己好喜歡呢一場戲，因為好有爆發力、充滿矛盾！希望大家特別關注！」

《兇手還未睡》中，文詠珊與兩位男主角林家棟與許志安都有大量對手戲。對於文詠珊的表現，兩位男主角同樣讚不絕口，許志安大讚文詠珊有潛力，對角色十分投入，林家棟則表示文詠珊是個有要求的對手。家棟高度讚賞文詠珊是他近年對戲的女演員中很突出的一位：「對手有要求係好事，冇要求大家都會好辛苦。我以前喺報紙上見到嘅文詠珊係一個明星，但今次合作認識到Janice唔只係一個明星，佢好努力追求角色嘅變化，亦設計咗好多細節，唔止係自己嘅部分，係從整場戲嘅角度去思考。」