鄭欣宜 (Joyce) 繼早前推出新歌《 Stupid With You 》後，又開始密鑼緊鼓籌備第二首主打歌。由細到大備受體重批評的 Joyce，之前曾公開表示不再減肥，一於做個開心快樂人，所以她亦憑歌寄意，將會率領兩位加大碼女生一齊跳肥妹舞拍MV。
上月 Joyce已拍攝短片進行招募肥妹 dancer 大行動，當時她在片中說：「呀！好嬲呀，點解成世人都有人同我講話 Joyce你太肥啦，你做呢樣嘢啲人係唔會鍾意...我受夠啦，所以喺我下個 MV裏面，我想邀請兩位加大碼女仔同我一齊跳舞。」結果片段推出後，引來不少肥妹仔報名參加，反應十分熱烈。
日前 Joyce聯同排舞老師一同甄選參賽者，在云云報名者中，兩人不約而同選中 21歲的 Nicole和 22歲的 Yvonne，這兩位參賽者雖然身形較為豐滿，但跳起舞來身手敏捷又輕盈，睇到 Joyce拍爛手掌，不停尖叫，Joyce大讚：「我覺得佢哋好有自信，我覺得跳 step係另一回事，跳 step可能好多人都跳到，但佢哋嗰種態度、嗰種自信，我真係好鍾意，嗰啲 fing頭髮我都做唔到，係有啲挑逗緊，所以我會扑鎚 Yvonne同 Nicole。」
其實 Yvonne仍是一名學生，現正就讀樹仁大學，已經有兩年跳舞經驗，她透露今次參加 MV的原因「都係想話俾人知，肥唔係跳唔郁！」至於 Nicole則是一名跳舞老師，原來她在讀中學的時候，看見身邊朋友跳舞跳得好有型，所以便跟著學跳，至今已跳了 6年，她說：「呢個 MV有咩期望？希望話俾人聽，肥人都可以跳到舞。」Joyce對她們的演出和態度讚口不絕，而稍後三人將合作一同拍攝 MV。
Nicole和Yvonne跳舞渾身是勁，Joyce亦盡顯功架，近日她開始為新歌排舞，在排練前她作熱身拉筋準備時，更來個難度十足的一字馬呢。
