【個人專屬彩妝寶盒】ANNA SUI 2016年秋妝新品率先睇

早前Aminn出席ANNA SUI嘅2016年秋妝新品發佈活動。

好多女仔鍾意佢哋嘅產品，更加鍾意佢哋嘅設計， ANNA SUI嘅產品真係靚到唔捨得用，今次新品除咗有彩妝之外， 仲有非常特別嘅染髮筆同多效閃粉霜 ，一齊嚟睇下啦！




ANNA SUI今次全新彩妝「Mysterious Fairy Tale 神秘的童話」， 以森林系嘅包裝，甫到現場就見到好多粒唔同顏色嘅多用途寶石！

而且顏色都係夢幻粉色系，對女生嚟講簡直Bling Bling眼。

最後我都挑選咗最啱我習慣嘅6粒唔同顏色寶石入我個森林寶盒。

包括眼影、 胭脂、唇蜜，一盒就配合到兩款以上妝容， 同一個寶石盒亦可配4粒寶石同2支迷你眼影掃。

而且寶石盒底部附有一個環扣，可以掛起各款迷你化妝掃， 一盒就可以化到個妝，而且出街攜帶真係勁方便！




上妝前要做好補濕打底，滋潤嘅肌膚可以令妝容更加貼服架！ 今次試試ANNA SUI嘅草本柔亮爽膚水同果療水潤導入液。

兩款產品嘅包裝就好似皇帝同皇后，而今次秋妝系列就好似公主， 完全配合到女生嘅幻想空間～卡卡～ 
今季新品除咗主打自選彩妝寶盒之外，連底妝也唔例外！
有滋蜜亮澤透薄底霜(4色系)同透亮柔滑BB粉餅(3色系)。

滋蜜亮澤透薄底霜加入美容成份玫瑰果精華油，
底霜有效均勻膚色，讓肌膚變得細緻而且水潤，
平均塗上之後形成一層柔軟薄膜， 大家可按需要塗多一層底霜增加遮瑕度。

之後就上透亮柔滑BB粉餅啦~一盒擁有3種漸變顏色嘅粉餅。 


淺色部份可以做Highlight令輪廓更鮮明，深色部份則作陰影部份，

粉餅盒底部也附有環扣可以掛起迷你化妝掃，方便補妝！

新品系列仲有幾款周邊產品。

包括魅影眉毛睫毛液，二合一設計，眉毛同睫毛都需要配合妝容架！

多功能的閃粉霜可以塗喺頭髮、眼皮同身體上，配合妝容增加閃爍感。

如果想頭髮更「出色」就用幻彩染染髮筆，讓頭髮加一點顏色！

可以做單一顏色，或以力度控制漸變效果， 只要用洗髮水就可以清乾淨啦！
ANNA SUI 2016年秋妝新品十月就會推出， 有興趣嘅朋友仔可以到專櫃體驗一下架！

是次小分享完畢  有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜