男人身上面最重要嘅一個部位？唔駛講就一定係「丁丁」喇掛？但喺男士如此重視自己呢為出生入死嘅好兄弟嘅同時，其實大家除左對佢長短有所研究之外，對佢相關嘅認識又深唔深架呢？下面呢10樣關於男士丁丁嘅堅知識係真係唔講唔知道架！
1. 量度丁丁係有規範準則
大家首先最關心嘅都話左係丁丁長度，而原來要準確量度佢嘅長度，係需要由丁丁頭一直度到去恥骨，即係佢嘅底部先算為正確。
2. 銀紙係丁丁長度嘅一把尺
一張睇上去非常無辜嘅一元美金銀紙，其實係用黎量度丁丁長度嘅一把尺。假如您丁丁嘅長度係正常size，咁你嘅丁丁基本上就會比一元美金銀紙稍為短少少，即係大約 6 1/8 吋左右。但如果您嘅丁丁喺對比之下，只係去到銀紙上個「ONE」字嗰個位，咁你丁丁就應該係有5吋左右喇。最後如果丁丁只不過係去到「America」個「A」字個位，咁就代表佢係4吋左右。
3. 丁丁嘅平均長度其實係無咁長
好多人心目中對於丁丁嘅長度都好似有個共識咁，唔達到果一個標準就好似你係唔正常咁，但實際上根據性醫學雜誌嘅研究，男性平均勃起後嘅生殖器就只係5.6吋長，圓周就有4.8吋左右。
4. 好多人都講「大」話
普遍嚟講，只有15%男士嘅丁丁先會長過7吋，而超過8吋嘅亦只係得3%。雖然咁某程度上意味左真係有巨雕嘅存在，但同時間亦都表明左出現嘅機率其實係幾低下。
5. 最短同最長嘅丁丁尺吋係?
根據紀錄，人類最短嘅丁丁就只有1.6厘米，而相反最長嘅就有13.5吋，差距之大真係令人目瞪口呆。
6. 小丁並唔係病
天生丁丁比較小係醫學嘅範疇嚟講並唔一定係有病，但如果你嘅丁丁喔係平常嘅時候短過1.5吋，勃起又短過3吋咁就可以諮詢下醫生意見。但記得就算有手術可以解決呢個問題，康復嘅道路都唔會易走。
7. 同性戀者嘅丁丁長啲
根據研究數據，同性戀者嘅丁丁平均長度真係比直男長三分之一吋，有說原因係因為男性嘅口平均都比女性嘅大，所以就會有咁嘅情形發生。
8. 要令丁丁睇上去長啲，其實都有辦法
想令自己嘅丁丁睇上去長啲，其實又唔係無辦法，最直接嘅就係減走肚腩肥肉呃視覺效果。
9. 睇手指就知人地丁丁長定短
根據韓國嘉泉大學附屬醫院大學嘅一項研究，男士無名指同食指長度之間嘅差距，其實就意味左丁丁係長抑或短，但實際其實係點計算嘅呢？大家就一齊嚟好似發誓咁舉起三隻睇睇啦！
只要大家將食指長度除以無名指長度 ，例如無名指係7厘米， 食指係6.16厘米嘅話，結果就係約1.14厘米 ，亦都即係超過左研究系數0.88至1.12厘米。換言之，越接近1.12厘米呢個數的話，丁丁就有機會較為長。
相反之下如果你無名指係7厘米， 食指係7.84厘米，得出結果係0.89厘米嘅話，咁你都係唔好喺大家面前舉手發咁多誓喇… 費事比人睇穿啦..
10. 好多研究都嘗試透過唔同嘅身體部位睇丁丁長定短
科學家一直都醉心於研究丁丁同其他男性身體部位嘅關係，例如根據男士嘅腳板、鼻子、手指公、耳珠分析睇下同丁丁有冇密切聯繫。而喺咁多項嘅研究當中，曾經就有科學家研究過臀部扁平同丁丁較長有冇關係。
