【葡國少女】澳門超萌手信店 Hello Kitty Obrigado

繼續世界阻止唔到Hello Kitty入侵系列，Hello Kitty已經搭埋船過大海，喺Hello Kitty Obrigado做咗葡國少女？

今次嚟到位在香港人實識去嘅澳門議事亭前地(新馬路噴水池)，就喺麥當勞旁邊嘅巷仔轉入去半條街就到了。

Hello Kitty Obrigado當中的「Obrigado」其實是葡文「Thank you！」。 

店內裝潢澳葡風十足，英倫少女都換咗葡萄牙民族背心裙，牆上面仲有葡國特色手繪磁磚畫，你睇吓隻葡國公雞就知～唔係葡國雞呀！

就連澳門嘅景點指示牌都一模一樣。

加埋周圍都係Hello Kitty同招牌蝴蝶結，一到澳門就去咗潮聖啦！
店內有一系列澳門手信。

款款都有Hello Kitty嘅造型架～

最夠特色當然係葡撻同杏仁餅。 

仲有Hello Kitty造型豬肉乾，一睇就知佢叫阿豬貓！哈～



隔離仲有好多款馬卡龍，有綠茶、焦糖、檸檬、伯爵茶等等。

特點係上面印咗唔同嘅澳門特色圖案，好似係賽車、賭場 仲有大三巴、觀音像、媽閣廟景緻真優美架！
除咗手信之外，呢度仲有冷熱飲品同乳酪雪糕。

價格都無因為隻Hello Kitty而貴咗，我就買咗杯朱古力曲奇乳酪雪糕。


不過店家係無座位嘅，所以我到門口嘅石凳坐，只要無落雨，其實感覺一樣。 
鋪面雖然唔大，幫襯嘅人都keep住有。

不過最多人會過嚟影相架！所以都要守秩序，等等啦～  


 

Hello Kitty Obrigado

地址：澳門板樟堂巷5-7A 百好大廈地下A鋪    

是次小分享完畢  有興趣可按 麵語錄aminn 或本站內其他分享 :)

Aminn | Beauty．Food．Fun．Travel．Trendy｜

aminn613@gmail.com