仲有一個月多啲，其中一個充滿美食嘅傳統節日中秋節就會來臨！大家係唔係好想食月餅呢？！咩話？覺得年年都係冰皮、蓮蓉、奶皇咁無乜新意？嘿！就睇下你夠唔夠膽挑戰下面呢幾種嘅怪味月餅啦！
▼ 朱古力香辣牛肉月餅（騎呢度：★★✩✩✩）
講到暗黑月餅喇喎，較為低Level嘅可能就係呢款朱古力香辣牛肉月餅。香辣朱古力聽落其實都還可以，但做乜野會有埋牛肉架呢？都唔知佢係鹹定甜呀！！
▼ 即食麵月餅（騎呢度：★★★✩✩）
可能你會話「車都係無咩野者，咪又係平時啲食材？」但換上呢個即食麵做餡嘅怪雞月餅，真係問你點頂！？
▼ 韭菜雞蛋月餅（騎呢度：★★★★✩）
覺得即食麵好唔健康呢？咁或者呢個含有韭菜嘅月餅可能會啱你。綠色一粒，裡面除左韭菜之外仲有雞蛋。應該大家諗住自己食緊韭菜炒蛋就無咩問題掛？
▼ 梅菜扣肉月餅（騎呢度：★★★★✩）
覺得韭菜雞蛋呢道小菜唔啱您口味嘅話，咁肥少少同濃味少少嘅梅菜扣肉月餅可能就合您心意喇....
▼ 腐乳月餅（騎呢度：★★★★★）
好喇睇過上面嗰即款，感覺都算係食物，係配搭令人難受一啲，但大佬腐乳月餅真係唔知發生乜野事！就咁齋食一粒腐乳已經會怪怪地！宜家仲要係月餅餡料？！點食得落呀？！
▼ 酸辣月餅（騎呢度：★★★★★）
嫌腐乳得個鹹字無乜層次？咁就啱晒喇！事關原來除左腐乳味之外，內地更加有人出產左酸辣月餅！真係離晒大譜！不如整埋辣椒醬月餅啦咁！
▼ 普洱菊花月餅（騎呢度：★★★★✩）
唉... 睇左多款，唔食心情都覺得有啲油膩... 咁喺呢個時候，你或者就可以試下食個普洱菊花月餅消滯... 定食完會嘔番晒其他月餅出嚟呢..
睇完咁多款怪雞月餅之後，忽然覺得我地平時食嘅普通月餅，其實都唔係好差者.. 你話係咪先...？
