《Pokemon Go》 自推出之後，不論男女都非常沉迷，機不離手。亦因為呢個原因，好多女網友都發現大家身邊嘅另一半突然就變成左遊戲嘅奴隸一樣，只係識得低頭打機而唔理身邊嘅女朋友嘅感受。要留住男朋友嘅心應該點做先好？或者參考完下面各位情侶嘅Twitter、短訊對答之後，您就會識得點樣喺《Pokemon Go》風暴之中，應付身邊嘅另一半喇！
▼ 由於男網友Lean過分熱衷玩《Pokemon Go》 ，女朋友於是強逼佢二擇其一。最終，竟然話自己選擇左「前度女友」，比著係你係唔係激死丫！？
▼ 對於男朋友對於呢隻遊戲嘅沉迷程度，有女網友就話發現佢地黎接自己放工嘅時候，講嘅竟然係「我地去捉小精靈囉！」而唔再係「我愛您呀！」。
▼ 而且唔少女仔都投訴，自己嘅另一半喺開始玩《Pokemon Go》 後，就會無啦啦三更半夜話想出去捉小精靈。
▼ 仲要每一次嘅時間都相當之耐，呢位女網友嘅男朋友就帶左佢去遊車河成20分鐘，為嘅就係要去pokeshop補給...
▼ 咁如果要將男朋友誘惑番黎自己身邊，可以點做先好？女網友就建議大家穿上呢套比卡超內衣，話咁就可以吸引男朋友注意力到自己身上。
▼ 但當然去到實際嘅情況下，對話可能都只會變成男朋友問左你屋企有冇小精靈先現身，如果唔係真係唔會睬你囉！
▼ 咁係唔係就代表左唔會有好嘅一面發生呢？又未必嘅！至少佢地宜家會主動同你地去shopping先啦！係唔係先！？
圖片來源：Daily Mail
