近期無論係喺香港定其他國家，唔少地區都因為手機遊戲《Pokemon Go》嘅推出，而再次興起左新一輪嘅寵物小精靈熱潮。 喺大家都三五成群，約埋一齊捉小精靈嘅同時，全球唔少嘅玩家都開始喺好多奇特嘅地方發現不同小精靈嘅蹤跡。
唔知你地玩左一排成績又係點呢？不如有玩《Pokemon Go》嘅大家都一齊黎對比下自己有冇喺啲咁特別嘅地方發現過佢地嘅身影啦？！
▼ 獨角蟲唔係應該出現喺叢林嘅咩？竟然會出現左喺底特律紅翼隊嘅場館裡面？！冰天雪地咁，獨角蟲你怕唔怕凍呀？！
▼ 要搵蛋蛋呢隻小精靈？估唔到原來真係可以喺超市賣蛋嘅貨架上面，搵到佢嘅蹤跡！雖然蛋蛋呢隻小精靈擺明就係爛蛋一堆，但如果可以喺蛋架上面搵到佢，真係開心都嚟唔切！！
▼ 如果提起人型嘅小精靈，大家第一時間會諗到嘅就一定係紅唇娃！但唔知道佢係唔係想執番個look，有人就發現左擁有一頭金髮嘅佢喺一家理髮店外現身呢！
▼ 想當年皮皮係唔少女同學喜歡嘅小精靈之一，而有網友竟然就喺一張超級凌亂嘅檯面揾到佢，而且附近仲係有一大堆銀紙嘅添！喂，右手邊嘅林克係望咩呀望！宜家講緊寵物小精靈而唔係薩爾達傳說呀！
▼ 如果好似呢位朋友咁喺沖涼嗰時遇見噴墨海馬，都唔知可以話係好運定黑仔。好在，《Pokemon Go》喺二次元嘅遊戲者！如果唔係佢攻擊起上黎都唔知點算..
▼ 本來心裡面一直覺得大鉗蟹係得個名，本身都係細細隻，但點不知喺見過呢位朋友喺棒球場遇到佢嘅時候發現，如果大鉗蟹真係變成好大隻嘅話，都真係幾恐怖....
▼ 喺呢間個人護理用品店遇到波波球都還好，好在唔係喺演唱會見到佢咋！如果唔係？佢一家就會搶咪唱歌，搞到你無得聽原本嘅歌之餘仲瞓堆覺！大拿拿千幾蚊咁就無左喇！！
▼ 波波心諗... 你殺左佢啲同類囉... 大家都係鳥類動物，唔好分得咁清楚... 但真係就算唔係煮蛋，煮野食有波波喺身邊都非常尷尬，可唔可以唔好出現喺廚房呀波波！！？
▼ 主要特性為精神力嘅卡斯，又點會放過休息嘅機會？？所以有朋友就喺搭車嘅時候發現左正在閉目養神嘅小卡斯。唔好嘈醒佢呀！偷偷地捉左佢啦！
