【呢班小鬼唔定性】捐$30入蘑菇屋　同藍精靈爸爸玩遊戲

5日前經過尖沙咀碼頭， 一大一細蘑菇屋已經屹立海運露天廣場。

SY:「咦...…有兩間屋仔嘅，好似小雲嗰間屋喎。」( 我: 唔係小雲，係藍精靈嘅精靈村呀？)

SY:「爸爸！你點知呀？又無寫。」因為一早已經收到風，所以今日第一時間又帶阿囝過來影35隻藍精靈！

昨日，90後的同事問我:「邊有人會鍾意睇藍精靈架？ 前年，我喺戲院睇...…隻隻毛茸茸，仲要3D，好得人驚。」

1984年TVB播放的藍精靈可愛，2008的電腦CG電影則有點可怕，所以如果你和我一樣覺得藍精靈可愛，可能代表你的年紀也...…

這條精靈造得好有童話Feel，大場就是大場...…

同區有另一商場又是30隻小丸子大晒冷...…但只予人夾硬塞一堆公仔的感覺。

點解今次沒有阿沙及加逹呢？左望右望，3D公仔果然沒有，但2D海報就大大個各一張掛在牆壁上。

SY望著美芝:「點解三個公仔都要送花畀佢嘅？」，我:「因為佢係精靈界女神，你覺唔覺得佢靚呀？」

SY:「唔靚， 我覺得嗰間菇菇屋最靚...…我想入去玩呀。」

只要捐$30，就可以入精靈爸爸蘑菇屋，睇電視、玩AR...…

SY:「有冷氣真係好舒服呀！」(原來，你想入嚟嘆冷氣。)

因為有人怕熱，所以我還未來得及逐隻藍精靈就要走，果然未有看過這套電視的小朋友，就是少了一份投入。

估不到藍精靈也會有原稿展出，而且還在二樓「藝術館」展出。

SY:「依度都有頭先嗰個藍精靈BB喎！」

其實，30年前的卡通入面，究竟有沒有BB呢？

我不記得，我只發現這個藝術館的格局，令我聯想到當年宮崎駿的作品展。

最後走到近港威的位置，有一個超巨型4米高的飛天藍精靈！

SY:「爸爸！你又話藍精靈只有3個蘋果咁高...…依隻成間屋咁。」

藍精靈期間限定店，如果不攪一攪心思，又怎會引到你過來大出血呢？

SY:「咩出血呀？ 爸爸！我想買件有精靈BB嘅衫呀 (我:乜你都鍾意藍精靈？)， 唔係，我鍾意隻BB啫。」

阿囝你真太濫喎！！

精靈村@海港城
日期: 2016年7月14日至8月21日
時間: 上午10時至晚上10時
地點: 海運大廈露天廣場

大仁生活