發哥片場教Janice Man 影靚相

《寒戰2》的演出陣容與上集最大分別就是加入了另一位影帝級人馬發哥，發哥今次在戲中除了與梁家輝及郭富城互不相讓的唇槍舌劍外，戲中角色也如真實的他一樣，喜歡把玩相機，愛好影相。

拍攝期間發哥不時與劇組的攝影師與劇照師交流攝影心得，又慷慨借出私伙珍貴相機讓他們研究一下，又不時跟各組同事自拍，盡顯親民及「自拍之神」一面。

而戲中需要到一張JM的日常生活照片作為道具，這工作通常是由劇組內的劇照師所完成，不過發哥不愧為攝影發燒友，他主動以私伙古董菲林相機，為JM拍下這張極罕有的道具照！當天拍攝完所有戲份後，發哥特意找兩位同為攝影專家的朋友到場幫手測光及打燈等，可見其一絲不苟及對於攝影的熱愛。不過發哥亦開玩笑的表示：「我都有叫朋友係旁邊用數碼相機影多幾張先，如果我影嗰張衰咗，都有其他用到嘛！」

而JM則表示受寵若驚，她說：「我都係去到現場先知由發哥幫我影呢張相，佢真係好專業，叫我自然啲影出嚟會靚啲。我都會問劇組拎追張相，返屋企用個框裱起佢，發哥親手影同沖曬嘅相喎，無價呀！」