夏天又嚟到喇，各位準備好以最佳狀態示人未呢？咩話？仲keep緊fit? 好啦，以下係8種適合keep fit時食嘅食物，可以包含喺營養餐單入面，好食得嚟又健康，而且仲非常當造添！
1.西瓜
西瓜含有纖維同大量水份，可以幫助帶走脂肪，有研究更發現水份可以增加身體消耗嘅卡路里添！
2.士多啤梨
比起其他水果，士多啤梨嘅卡路里相對較低，同樣含有纖維同其他營養；比起西瓜，士多啤梨更加容易一路行街一路食！
3. 羽衣甘藍（捲心菜）
除咗可以做沙律之外，甘藍菜仲可以混合希臘乳酪整成沙冰，纖維量十足之餘又有飽肚感。
4.牛油果
牛油果入面有有益嘅脂肪同纖維，有助減慢消化過程，防止我哋進食過多嘅熱量。
5. 菠蘿
菠蘿含有兩種強效酶，可以分解食物，同時促進體內脂肪代謝率。
6.青瓜
(imgur.com)
青瓜有大量水份，同樣可以幫身體補水，避免因缺水引起嘅飢餓感。
7. 烤海鮮
(www.kalibrr.com)
加州大學研究人員Zidenberg-Cherr就建議每餐都進食含有「瘦蛋白」嘅食物。有研究更發現單係消化蛋白質已經可以消耗卡路里。而烤魚入面就含有好多瘦蛋白喇！
8. 冰凍水果
當進食冰凍食物時，身體就會加快新陳代謝，令食物變到好似體溫咁暖；而過程中亦都會消耗嚟自身體碳水化合物同脂肪嘅熱量。原來將冰凍固體食物轉成液體需要好多能量，每消化1公升刨冰更要用到160卡路里添！
