被小方揹起狂跑 菀之笑言自己太重要用替身

彩耀影視娛樂出品，由錢國偉執導，香港電影金像獎最佳女配角王菀之

（Ivana）及方力申主演，許雅婷（Kabby）、許紹雄、林盛斌（Bob）、江美儀、關寶慧及朱咪咪等演出的溫情喜劇《綁架丁丁當》上映在即，小方在電影中有不少「體力勞動」，除了有數場打戲外，他笑言有一場比打戲更攰的場口，就是要揹起Ivana跑一段路。導演錢國偉為力求完美，所以試了幾個不同的機位，小方亦因而跑了數轉。最後錢國偉更安排了一位較輕的來作Ivana替身。

Ivana自言：「因為我真係好重，拍呢場之前我都警告咗小方好多次，我話我真係好重㗎！因為有時唔係一揹起就跑得，仲要度下位就下光，小方都有叫啲手足可否幫下手度快少少，見佢咁FIT但都有啲辛苦，場面都幾好笑㗎！咁佢要跑咁多次，都係搵個（替身）瘦啲輕啲好。」

而揹到滿頭大汗嘅小方就話：「我要揹當然揹到，導演就講笑話係咪搵替身會輕啲，其實一來啦，二來我哋跑得快，怕Ivana會整親。其實個個女演員都係公主嚟嘅，要呵護住，而Ivana就係一個講得笑嘅公主。同Ivana今次先識，之前有睇佢演出，佢係好放嘅演員，雖然事前唔熟，但從訪問知佢好純，佢拍戲時會話我眼神冇愛，又叫我比啲戲好喎，好好笑。」