1.男人膀胱較大
通常女性去洗手間都會頻密過男性，原來有科學根據㗎！研究發現，男性膀胱較大，自然就唔需要去咁多次洗手間啦！
2.男人極少有橙皮紋
大約85%嘅女性都受到橙皮紋困擾，但原來基於男人有較多肌肉，而女人嘅身體比例上有更多脂肪，少啲結締組織同皮膚較薄，咁脂肪就更加顯眼，容易形成橙皮紋！Sad but true~
3.男人只用「一半腦」去聆聽
男人成日畀人話「左耳入右耳出」，原來男人喺聆聽時，腦部嘅使用率真係同女人唔同㗎！有研究發現，女人喺聆聽時，成個腦都會運作；而男人呢，就只會用一半！想男人留心聽自己講嘢，記住將說話講得直接簡短啲喇！
4.男人忌豪飲
當然，少量酒精無傷大雅；但其實酒精有抑制作用，會降低體內嘅睾丸酮。所以要保持水平就唔好豪飲喇！
5. 男人真係襟老啲
女性喺更年期時會流失大量骨膠原，所以皮膚自然會更「顯老」。不過，由於大部分男人都唔重視護膚，就算有襟老嘅先天優勢都冇用啦！
6. 男人會有「乳溢症」
男人都會有「乳溢症」。雖然聽落好奇怪，但如果荷爾蒙失調，或者受到藥物影響等，就有機會出現有關情況。如果有任何唔妥，一定要盡早睇醫生喇！
7. 男人鐘意直接
其實男人真係好直接，通常對朋友都係有嗰句講嗰句，絕對唔係女人想像中咁複雜㗎！
8.男人唔鐘意講「作為男人點點點」
當被問到作為男人，生理上同心理上有咩感受，好多男人都唔識答。佢哋多數會話：「我咪係我囉！冇乜特別好講！」就算男人講野比女人直接，但去到呢類內省問題都係女人會比較多想法。
9. 男人都有「酵母菌感染」
「酵母菌感染」，例如念珠菌症，唔止女人會感染，男人都有機會有。尤其體型較大同容易出汗嘅男士就更易感染。好彩抗真菌藥對男性同女性病人都一樣有效！
10. 個個男人都唔同
無論膀胱大定細、鐘意唔鐘意講自身問題，或者有冇留心聽人講嘢，其實每個男人都係咁獨一無二㗎，每個人都有佢嘅獨特之處！
