番工大家都係想快快脆脆完成手上工作，所以自然就唔會想喺公司成為不受歡迎人物，搞到自己有咩叫起手都無人肯幫忙。但係究竟喺日常工作來往上面，點樣先至可以知道自己嘅同事，或者上司係唔鐘意自己呢？
1. 有咩重要決策，都從來唔過問你
您嗰組有咩重要嘅事需要做決定，但老細總係唔會叫埋你入去開會，咁即係代表你老細暗地裡其實唔相信你嘅建議，所以先會將您放喺權力範圍以外，意味左對方根本無理過你有咩諗法。
2. 當你隱形
當你老細唔同你打招呼，連普通「早晨」、「Bye Bye」經過都唔講，咁其實都代表左佢對您無咩好感。
3. 避之則吉
明明大家都係等緊電梯，突然佢就選擇閃人走去行樓梯。仲駛講咩？擺明就係唔想同你有任何相處時間，唔係咁鐘意你啦！
4. 咩都管住晒
少少野例如send個email，都一定要比老細過左目先出得？又或者經常無故就會問係做緊乜野，做啲好普通嘅工作都會比佢干預做事方式，好似身邊多左個校長咁睇到自己實一實。咁樣其實都係代表左佢地唔信任你，更嚴重仲有機會發展成為一種欺凌嘅手段。
5. 一句起，兩句止
雖然你地係有機會交流，但係總括嚟講佢嘅回覆都係得一句起，兩句止，無任何話題延伸落去。假如更甚地你老闆係好似啲小學雞咁鐘意鬧情緒，咁就更加明顯佢唔妥你。
6. 負面身體語言
無論係一個唔多覺眼嘅翻白眼同講野個時交叉手，定抑或係您入房搵佢嘅時候唔抬起頭望您，其實都反映到佢心底裡暗暗唔鐘意你，唔想同您交流。
7. 所有指示都用email交代，從來唔會面談
當一個人唔係咁鐘意您，佢地基本上就會儘量避免同您接觸。例如喺交代工作事宜嘅時候，佢地就會只用email通知你，完全唔會面對面同你溝通。就算你面對面想搵佢傾，到最後佢都只會講兩句，覆番你佢會用email答你。原因？就係因為佢唔想同你接觸咁多囉...…
8. 唔比feedback你
手上有project跟緊有新idea，開會同老細討論但無論正面定係負面，完全無任何feedback都無。假如佢有咁嘅態度，咁即係意味佢唔在乎您喺公司裡面有咩發展機會，唔想花時間栽培您。
9. 偷左你條橋
除左唔比feedback之外，有啲上司更加會喺聽完你嘅意見之後照辦煮碗，將你個idea sell比再對上嘅高層，仲當正係自己嘅意念咁偷晒你條橋領功。另外，佢亦都會喺一齊做完一個project之後，當正你無份參與咁喺高層面前邀功。如果有呢兩種情況出現，咁即係代表佢唔係一個善良嘅上司。
10. 無論對錯率先否定
未聽晒你所提供嘅建議就一口ban左先，但對其他人就一定唔會，咁樣嘅做法又係好明顯代表你有所不滿，唔想理會你任何意見。
