女人情感上比男人豐富，好似已經係流傳已久嘅事實黎，例如女人遇到唔愉快嘅事，大不了可能就會喺好姊妹面前哭訴一番就可以減壓。但對於男人黎講呢？或者就會選擇同朋友去打番場波出番身汗，可見兩性喺唔同嘅情況之下，處理手法都係會相當唔同架呢！
咁究竟男人同女人係有幾咁唔同，你又對女人有幾咁了解呢？睇完下面呢10個冷知識之後，或者你就會發現女人心原來真係海底針，原來真係有好多野你都真係唔知道架！
1. 女人高潮會令到腦部部分機能停止運作
女人高潮嘅時候，其實腦部部分機能，特別係杏仁核就會停止運中，令佢地唔會感覺到恐懼、焦慮嘅感覺，處於亢奮狀態。
2. 女人最愛壞男人
「女人最愛壞男人」呢句說話，其實並唔係無根據架！因為有研究表示原來將一個經常笑，同埋一個無咩表情嘅男人放埋一齊，大多數嘅女士都會覺得無咩表情個一位姓男會係更加有魅力架！
3. 有特殊性癖嘅女人其實反為更加正常
有好多人都會將特殊性癖歸納為變態先至會有嘅諗法，但其實研究發現有性癖嘅女人原來喺精神上係更加健康。
4. 女人較容易有性興奮
從生理角度嚟講，女人係更容易性方面嘅刺激有反應，例如喺睇到同性裸體、同性親熱行為，又或者動物發生性行為，都會較男性容易達至性興奮狀態。
5. 女人喜歡重口味嘅男人
唔講唔知原來撇除口氣呢個問題，食過大蒜嘅男士所散發出嘅氣味，原來會更吸引女性，而且更有男人味。
6. 女人同男人絕對唔會只有係朋友咁簡單
男人同女人嘅關係係絕對會只有係朋友咁簡單，因為基本上你地當中是旦一個都係比對方深深吸引住，只不過係唔你地都唔去承認，或者根據自己所感覺到嘅情感去向對方表白。
7. 女人睇嘅顏色唔同啲
部分女性因為有著基因上嘅突變，因此令佢地擁有四色視覺，可以比平常人睇得更多顏色。所以有時候佢地將顏色分得仔細好多，或者就係因為呢個原因喇。
8. 女人唔鐘意金毛
染到個頭金色可能係好睇，但對於大部分女士黎講深色頭髮嘅男士其實係更為吸引，更有男人味。
9. 女人講野多過男人
「三個女人一個墟」亦並非無科學根據，因為根據研究發現，女人一般嚟講比男人講多3倍嘅野，平均每日就會講出20,000個單字，比起男士所講嘅13,000多好多！
10. 女人鐘意有肉地嘅男人
男人有肉地女人先鐘意，主要原因？原來係因為當見到自己另一半身材太過火辣嘅時候，女人其實係會覺得受到威脅，認為自己身材唔夠好。所以身材唔係太過猛嘅朋友唔需要灰心呀！
