巴士車廂乃公眾地方，乘客應該互相尊重，不應作出滋擾他人的行為，但兩名疑似地盤工人卻不懂得這個道理，並一直在車廂中高聲談天；一名年輕人挺身而出，嘗試加以勸阻，卻反遭地盤佬斥責。
據上傳者憶述和片段內容可見，事發地點是昨天(2日)早上6時半的E31巴士上；兩名地盤工人在荃灣上車後，便無休止地高聲說話，甚至坐在最後一排座位上聽歌的人也清楚聽到他們對話，令車上其他乘客大感滋擾。
過了約20分鐘後，一名年輕人決定挺身而出，勸戒地盤工人不要大聲說話；地盤佬不但沒有檢查自己的行為，更激動地以粗言穢語辱罵對方。面對地盤佬的挑釁，年輕人一直沉住氣，沒有還口；但地盤佬其後卻反指被粗口辱罵，更恐嚇會毆打對方。地盤佬最終下車，而年輕人則繼續乘車，前往目的地，彼此的爭鬥應該告一段落。
▼一名年輕人決定挺身而出，勸戒地盤工人不要大聲說話；地盤佬不但沒有檢查自己的行為，更激動地以粗言穢語辱罵對方。
▼年輕人一直沉住氣，沒有還口；但地盤佬其後卻反指被粗口辱罵，更恐嚇會毆打對方。
批評地盤工人的網友留言：
Danny Ng 俾個 Like 年輕人
Tsui Chak Kan 影衰哂地盤佬 有d地盤佬，係習慣左講野大聲，但人地話佢地嘈，都會收一收; 點會好似呢兩條友咁無文化 其實香港d車箱，整埋咁多咩食野飲野要罰錢，食煙要罰錢something既野 點解唔整個噪音要罰錢?
Jackie Lau 唔好做地盤去做road show!有前途!
Luci Mak 請各師兄師父自重！個世界並唔係得自己一個
Andy Shek 有d人講電話講到成車人都聽到，果d又係好黑人憎
YaRin Chu 我日日搭E31番工 都發現總有地盤工人大聲傾計或者講電話 最火就係總聽唔明佢地講咩 唔係廣東話又唔係普通話
Henry Lee 影衰地盤佬令到人覺得地盤個個都好似佢地咁
Henry Mo 影衰做地盤
Dickson Tong 講真!晨早咁要起身返工，係人都想係車到再訓啦～！
係D人自私姐!
Henry Kan 個個返工前都想睡一睡！
Hoi Ki Fanny 完全明白 身同感受 經常體驗到
批評冷眼旁觀的乘客的網友留言：
Pa Pa LI：車上都其他人點解無人出聲幫手，如果有人幫個兩條友實無咁巴閉。單拖只有年輕人唔著數。
Tsang Junko：走過去幫拖啦，仲拍片~
Tango Ngan：拍片果位真係，自己又覺得人嘈，又唔出聲，有人出聲又唔幫口，你揸部機拍片有乜用，你估地盤佬日日玩facebook咩，驚你起佢底呀，定係你以為揸住支槍佢地會驚你呀 真唔明而家香港人，揸住部機拍片就以為幫到手，唉........
William Wong：要影就zoom近d，影清楚d，成車人都冇人幫拖/報警？
Henry Tong：成車都無人幫口，淨係食花生。唔怪得有事越來越少人會出聲啦Kero Kwok：淨係拍片唔出聲幫手 同大陸人有咩分別大陸人都係中意食花生
Seven Wong：唔理係咪地盤佬，只顧拍片唔幫拖，仲post做乜？
Katrina Yuen Kaling：拍片都無意義，樣又影唔到，不如幫拖好過
Yim Sunny：好慘，無人幫年輕人，個個呆若木雞
Patrick Tang：其他人冇人幫手，可悲！！
其他網友留言：
金靜：應該廣傳 醜事要傳千里
Fei Love Yu：叫司機鎖門咪得囉！
諸葛孔明：叫車長停車報警
Kelvin Ling：報警
Hung Kit Lee：要整靜音巴士
資料來源：By Sum、葵青友
