尋日見左個FreshGrad,最尾巡例問佢有無問題,佢問公司返工時間幾點喎,我咪照答佢囉。

點知今朝個FreshGrad返工時間就捕左喺門口,開頭Reception以為佢係咪尋日見工漏左嘢,佢話唔係,佢話嚟返工!

嘩!我都無話請你,事實要見嘅人都未見晒啦,起碼見埋下星期,仲有人工福利咩都未傾,點知嚟左返工?!我拿拿臨問啲Junior有無傻更更出Offer俾人,佢地答無。

事後問返個FreshGrad,佢話尋日見完工收唔到回音,就Assume係受聘今日返工喎,仲彈多句佢係一個非常「積極」既人。

嘩,呢鋪真係「積極」過頭……