上一次同大家介紹過日韓兩地旅遊禁忌懶人包（見：），今天我們就將會為大家帶來另外一個港人旅遊熱點泰國的懶人包，等大家去到當地都識得遵守嗰邊嘅禮儀，唔會因一時嘅無知而令冒犯當地人，同時令大家安心旅行，唔會出醜。
▼打招呼要雙手合十▼
合十係泰國嘅打招呼方式，而且記得千祈唔好用腳黎指向任何人或者事物。
▼頭部係非常神聖嘅部位▼
去到泰國見到小朋友好得意，千祈唔好亂咁摸小朋友嘅頭，因為小朋友頭部喺泰國文化當中最為神聖嘅部位，只有泰王、高憎或者父母先至可以撫摸，就算係去剪頭髮，髮型師都需要喺理髮之前講聲對唔住先至可以開始動手。另外一樣需要留意嘅係，如果要傳遞物件都一定唔可以喺人地頭頂經過。
▼要尊重僧侶▼
泰國人非常重視宗教，而僧侶同佛像嘅地位都同樣非常祟高，神聖而不可侵犯。假如你係女性嘅話，去到泰國要記得避免接觸僧人，因為如果佢地喺歌誦經文嘅時候比婦女觸碰到，僧人之前所唸嘅經文都會化為烏有，所以就算要向僧人奉獻，都記得要請男士幫忙，又或者直接放低就得。
▼參觀寺廟要著得端莊▼
其實唔單止喺泰國，喺任何嘅國家去到唔同寺廟、宗教場所，都一定要按住聖所嘅要求穿著端莊服飾。而喺泰國裡面，著裙、短褲或者袒胸露背都係對寺廟唔尊重，另外入廟之前都要記得除鞋，同埋唔可以用腳踩門檻。
▼左手係不潔▼
左手對於泰國人黎講係不潔嘅，所以只能夠用黎拎唔乾淨嘅野，貴重物品一定要用右手提取。另外，食野嘅時候都要主要用右手，任何時候拎野比人都同樣要用右手。就算被逼要用左手，都記得先要講聲抱歉。
▼小費要比紙幣▼
泰國硬幣一般都係比乞丐嘅，用黎做小費係極度唔禮貌嘅做法，因此任何時候比小費都一定要用紙幣，以示尊重。
▼搭地鐵要記得要接受安檢▼
因為之前所發嘅動亂，泰國政府喺地鐵呢種公共交通工具嘅出入口，都安裝左安檢門，所以乘搭地鐵嘅時候就記得要接受工作人員安檢先好入內。
