【成功獵蛋】3層樓的體感夾蛋蛋！

復活節假期第一日， 我勁興奮地帶囝去荃新天地玩跳彈床。

本來只是小朋友玩意，大仁最悶，但今次竟然有個全港首個「逾9米高巨型體感夾蛋機」...…我好想玩！

不過當日不停毛毛雨， 一直擔心戶外部的的「夾蛋機」會不會關閉呢？ 當然一去到， 見有人玩，即時9秒9衝去夾夾夾。

工作人員講解給小朋友知，夾蛋機如何操作， SY即答:「哦！ 即係平時放入面嗰部夾蛋機嘅大大版...…」

(最近這位小仁兄愈來愈得戚！)

上下左右...…大鐵夾就成功將大大蛋夾實， 再慢慢送到出蛋口...…運送過程非常安全， 因為十分十分十分慢。

Yeah！ 成功得到一隻蛋。SY:「咁大隻點攞返屋企呀？」我:「係囉...…裡面係咩嚟架？」

工作人員:「無嘢架，做樣咋，不過如果你想要，你又唔怕塞係屋企阻掟，你都可以要嘅。」

我:「咁影張相算囉， 成部微波爐咁重」，SY:「塞係廳，真係唔駛行都似」

我:「咁到我玩啦..….(工作人員:唔好意思， 落雨要維修喇， 或者遲啲再過嚟啦)」

當我極失望， 但有人就超高興:「我哋去跳彈床囉...…我好想跳」。

有工作姐姐作伴對戰的「宇宙小巨蛋」。

最近開始不停想找人陪他玩的SY， 今日有豬仔一樣不滿足， 可憐的工作姐姐慘被過度活躍的小朋友連環攻擊...…真的不好意思。

「奇趣掘蛋樂」太靜態，大爺嫌不夠刺激呀！ 掘一次就走了去射槍。

兩個小遊戲「懸浮獵蛋」及「鴨仔逐隻捉」，當然例牌射完又射，玩完又玩，槍形物體SY絶不會放過，擔心大個佢會否揸槍搵食，驚驚！！

大大「體感夾蛋機」在戶外， 細細機就在室內……只要向職員出示已「追蹤」荃新天地嘅Instagram 或微信帳戶， 就可以玩一次。

因為有禮物， 貪心的小朋友玩得特別投入...…結果一支筆及一包檸檬茶就氹得他笑足成晚。

之後就是二期中庭的彈床三寶時間，當中「深海奧秘」的鯊魚，有人玩了四次...…

不願走的SY，精力充沛，他可以愈跳愈精神。

跳到完場1900...…工作人員想收工，已經勉強讓他瀡多兩次，之後我叫姐姐們左右包抄攔截怪人。

誰知怪人以為有人跟他玩捉依因，玩得更加起勁。

真的不好意思...…可能這個25呎瀡滑梯太吸引， 最後還是要我出馬，才可收拾Bad Boy。

SY:「點解唔開到10點喎，好多小朋友都想再跳啦。」

我:「姐姐都換衫收工啦，你指嘅小朋友，就係得你自己一個囉…...」