喂！聽日就係愚人節喇喎！你地有冇諗定點玩人好呀？
仲未諗？！唔係下話？
不如就睇下下面呢10招玩野食嘅怪招啱唔啱使，今晚快快手買齊就郁手整定，準備聽日玩人啦！
▼陰招01：Oreo餡料變牙膏▼
呢一招真係萬試萬靈架！邊有人估到一塊Oreo好好地，入面無啦啦會變左牙膏味？刮走原本舊餡，擠啲牙膏上去就搞掂晒！
▼陰招02：M&M撈彩虹糖▼
想食M&M一手拎落去，放入口之後先發覺入面除左朱古力之外，仲有鮮果口味嘅彩虹糖？！真係難食都癲呀！！！！
▼陰招03：免治肉整蛋糕▼
蛋糕食落去竟然唔係蛋糕？！而係一大舊嘅肉？真係諗到都打冷震。只要免治肉肉以圓形嘅焗盤焗好，之後用薯蓉好似糖霜包住佢，當係蛋糕咁整。最後再用茄汁裝飾就大功告成！
▼陰招04：紙皮炸雞扒▼
睇上去係唔係同真嘅雞扒一樣樣呢？其實佢係由紙皮變身而成，係得上面嘅炸粉先至食得。只要剪到塊紙皮好似雞扒咁大，然後用豉油整濕方便痴上炸粉。最後拎去同平時一樣咁炸就得。
▼陰招05：飲唔到嘅雜果賓治▼
倒又倒唔到佢出黎，吸又吸唔到，究竟係咩野黎？答案其實好簡單，其實就係啫喱黎嘅！好簡單將開好嘅啫喱汁倒入玻璃杯，等佢凝固就得喇！
▼陰招06：牙膏變蛋黃醬▼
晨早流流打開牙膏，擠出黎放入口刷... 咩話？！點解會係咁嘅味？唔好意思呀～因為前一晚已經將牙膏換成左蛋黃醬喇！！
▼陰招07：茄汁汽水▼
剪開包裝茄汁一小角，用膠紙封好放番入杯野飲入面。咁就可以印印腳睇住你個目標中招嘅一刻出現。
▼陰招08：芝士粉變橙汁▼
搵包開純芝士湯嘅粉，沖好放入橙汁樽，睇落個顏色真係會好鬼似。邊個飲到就真係邊個唔好彩喇！
▼陰招09：經典萬樂珠可樂▼
萬樂珠放入可樂會爆差唔多係人都知，但好野真係唔怕舊，又係萬試萬靈嘅一招。只要將一粒萬樂珠用牙線穿起，放入瓶頂，剪走多餘嘅線尾，就可以等願者上釣。
▼陰招10：抱子甘藍扮朱古力▼
細細粒圓形嘅抱子甘藍，搽左朱古力之後就同高級朱古力無咩分別。同黎送禮簡直就係一流。
