為籌款雷晴雯12度低溫首穿Bikini行騷　認真態度獲多位設計師讚賞深感驚喜

日前位於山頂的荷蘭總領事館官邸舉行了一場為兔唇兒童籌款的PERFECT IMPERFECTIONS CHARITY FASHION SHOW 2016，場面隆重盛大，星光熠熠冠蓋雲集。多位藝人同心力撐，剛復出的雷晴雯Winnie (前名雷穎怡) 亦有分參與其中，為籌款更於12度低溫下獻出她入行以來的第一次以Bikini示人。

Photo by: Jay Tang, Susanne Liu

與潘冠霖戴上荷蘭皇室御用Hat Designer Herma De Jong 設計的帽子及好友著名荷蘭華裔時裝設計師Angelle Change設計的春裝，為Fashion Show 整裝待發

問道Winnie就算當年電波少女也從不以Bikini亮相，為何今次咁搏？Winnie坦言她也是演出前一天才知道自己要穿Bikini：「以前係因為我媽咪唔鍾意，加上細個俾佢灌輸好多古老保守思想，搞到完全唔敢著。宜家人大咗，思想眼光唔再一樣。平時出海都會著Bikini，更何況今次係為慈善，仲要係咁大型嘅Fashion Show，我就更唔會say no啦！我反而好感謝Fannie M同Kei Yoshida兩位設計師俾呢個機會我至真！」

與潘冠霖和好友著名荷蘭華裔時裝設計師Angelle Change及從荷蘭遠道而來的小Model Xueli Abbing合照

Maxxii swimwear by Fannie M

闊別幕前多年的Winnie身材完全無走樣，以極Fit狀態一連演繹多套由著名荷蘭華裔時裝設計師Angelle Chang、荷蘭皇室御用Hat Designer Herma De Jong、與及本地設計師Polly Ho、Fannie M、與及日藉設計師Kei Yoshida的多款時裝、帽飾、泳裝，和多款漂亮首飾及荷蘭品牌Kyboe的時尚腕錶。

本地泳裝設計師Fannie M (圖右) 第一時間贊助Winnie最新一季泳裝系列

Winnie坦言今次經驗畢生難忘，為求盡善盡美，開騷前一晚仍通宵與本地泳裝設計師Fannie M互send圖片夾衫夾鞋夾飾物：「Rehearsal時幾位Designer都問我會唔會有自己嘅飾物可以配襯到，咁咪盡我所能囉！至於Fannie，最初佢擔心Model比較保守唔太敢搭配得咁盡，但Rehearsal時佢發現我竟然係Model之一，我哋拍《喜愛夜蒲２》時已經識，佢知我份人好爽快，為工作好多嘢都唔會Care，所以當晚就將我原本嘅一件頭泳衣改返做最Match嘅Bikini，而最終出嚟嘅效果亦證明大家挨眼瞓係值得！」

日籍設計師Kei Yoshida 搶先把還未推出的Saint-Tropez Le Club 55 exclusive item clutch bag 送予 Winnie，叫Winnie驚喜！

有多次行騷經驗的Winnie笑言這次是唯一一次必須於三分鐘內要換齊晒所有衫同配飾，故開騷前緊張得不斷祈禱！但認真同努力終究沒有白費，她的認真態度獲多位設計師賞識，Fannie M第一時間贊助Winnie最新一季泳裝系列，日籍設計師Kei Yoshida送她exclusive items的clutch bag，荷蘭品牌Kyboe也同時贊助Winnie最新腕錶，部份設計師甚至經已私下邀請她為自家品牌行騷，雖說是次演出乃義務性質，卻叫她收穫豐富。「呢啲對我嚟講真係全部都係Bonus，我應承得，就只想盡力做到最好。我最開心反而係各位設計師睇到我認真同努力而對我嘅認同，對一個藝人嚟講，呢份鼓勵先至係最重要！」

JOW Fashion by Angelle Change, Hat by Herma De Jong, watch by Kyboe

據知今次活動為逸傑國際慈善基金會籌得數十萬善款，Winnie表示，這次有幸參與其中感覺榮幸兼感恩：「我非常欣賞Angelle，佢嘅品牌JOW Fashion背後，其實係一個偉大母親嘅故事，佢嘅仔仔天生兔唇，佢為咗令仔仔可以增強自信心而開始為仔仔設計獨一無二嘅童裝，多咗嘅布就幫自己做母子裝，漸漸受到荷蘭時裝界注意，最後更加喺一個為荷蘭公主設計服飾嘅比賽中脫穎而出贏得冠軍！可見母愛嘅偉大係幾咁有Power！」

Rehearsal時把握時間與荷蘭皇室御用Hat Designer Herma De Jong 合照

與好姊妹林雅詩一起為兔唇兒童盡一分力

完 Show 當然要與好友何俊軒、潘冠霖及一哥布偉傑來張開心合照

Loom Loop「快樂王子」碌祿春夏16系列 by Polly Ho

Sara Lam exclusive items in Le Club 55 in Saint-Tropez by Kei Yoshida