▲勞工及福利局局長張建宗（am730圖片）
亞視會否在牌照到期前玩完，引起全城關注。勞工及福利局局長張建宗表示，已有120多位員工向勞工處申請「破產欠薪保障基金」，另外勞工處會於今個月22日在荃灣的就業中心舉行招聘會，主題是廣播界，「查實我哋係針對性幫一啲亞視嘅員工」。
張建宗指招聘會有200多個相關空缺，並且有其他支援空缺，包括企業文職、司機、木工、後援工作。他表示勞工處的職位空缺相當多，「最緊要轉到職，始終搵份新工最重要」。
亞視欠薪問題已存在多時，但政府對欠薪問題看來「冇符」。張建宗重申，會留意法庭對亞視清盤的裁夬，協助員工追認欠薪及搵工。他強調局方在欠薪問題上「絕不手軟」。
