前往郊外踏單車是理想的假日家庭樂活動，但家長必須量力而為，以防樂極生悲的事件發生；一名私家車司機昨晚便上傳了一段「反面教材」的影片。
據私家車司機的行車記錄儀的影片可見，有數名成年人帶著一名6歲左右大的孩子，在鹿頸山路踏單車；可是，孩子需要踏著裝上輔助轆的單車，即使是廣闊平坦的馬路旁玩樂，也不太適合，更何況是車速頗快的沿山馬路。
因此，網友一致批評涉事成年人的行為：「個家長離晒大譜！」、「行為弱智！」、「白痴！！！」、「就係太多活在自己世界的人。」、「成年人踩馬路我無意見，雖然車話多唔多，但有無必要比個車都未識踩嘅細路一齊咁樣做…」、「依啲人冇腦...」、「咁都敢！！！輔助轆/唔太識踩就踩出馬路已經好危險！！！」、「最慘係通常細路會聽大人話，危險都唔知...」、「真係當單車徑咩？」、「去返單車徑啦…」、「作為「路權L」我都唔會幫佢依種自覺「條命係我自己！」就唔守規矩嘅道路使用者講說話！」、「咁細要操車？儍的嗎？死人架...」、「我踩過呢段路〝落斜真系好危險，個家長有啲無腦...」
資料來源：Tsz Hin Au、Tai Po大埔
