講起「杜老誌」，可能好多後生一輩都唔知係乜。但對於70、80後一輩，都會聽過佢個大名，因為佢就係灣仔最出名夜總會，亦係唔少商界名流不時出入，見證住香港最繁華年代之地。
而今個星期五起至9月20日，由劉家玲夥拍兩大金像獎影帝謝君豪及梁家輝，將於香港演藝學院將會載譽重演大型舞台劇《杜老誌》，而係劇中劉家玲將會演出保亡夫遺產而不惜一切的廠家遺孀、再加上股壇狙擊手謝君豪、以及銀行企業家梁家輝，係代表香港繁華年代嘅「杜老誌」入面上演—場勾心鬥角的金融騙局。
而除咗幕前強大之外，幕後班底亦非常豐富：曾為電影《花樣年華》、《一代宗師》及《阿飛正傳》擔任美指嘅張叔平。資深電影監製梁李少霞、香港有名話劇導演毛俊輝、以及曾為音樂劇《雪狼湖》、《再世紅梅記》等創作音樂嘅高世章，聯手將香港最好嘅一個年代、以及人性最真實一面，活現於舞台劇《杜老誌》之中。
想知道當年嘅杜老誌係點？又或者想睇下三大好戲之人碰頭、會刷出點樣嘅火花？大家可以到快達票網站睇下重有無飛剩喇！
《杜老誌》快達票網頁：
http://www.hkticketing.com.hk/Ticketek/event/nswcms_event.asp?id=7778&Title=%AB%C2%A7Q%A8%D3%A4z%A8%B6%A7e%C4m%3A+%A7%F9%A6%D1%BBx+%28%AD%AB%BAt%29+%5B9%A4%EB%A5%F7%5D&PrevStep=Search
