【新春迪士尼】攬實勞蘇．三折掃禮物

去迪士尼最開心莫過於阿囝！今次我一樣興奮，因為我好想再跟白兵及Baymax合照！

第一次農曆新年入園， 我都要著靚啲扮毛毛， 而SY的三眼仔爆谷桶，則吸引周圍的哥哥姐姐的注目。

這個是暑假在日本迪迪尼帶回來的爆谷桶， SY今日帶來裝貼紙。今次新春賀年貼紙系列好易儲，只是四款小揮春...…

一講到貼紙， 一向細膽的SY也夠胆直接問迪士尼工作人員:「姐姐， 今次貼紙係咪得4款， 我齊未呢？」灰熊姐姐:「係呀！ 係依四款啦，好嘢， 你儲齊啦」Yeah！！

原來，今日沒有白兵，沒有Baymax，只有勞蘇...…

SY:「好嘢！ 我鍾意勞蘇呀， (我:無白兵真係唔開心)，我好開心，白兵上次好曳，我都唔鍾意佢哋。」(我好鍾意呢！)

玩完我最愛的迷離莊園後，發現Marvel也推出了TsumTsum公仔， 不過遊戲App還要繼續等...…SY:「梗係啦，IronMan館未開， 所以電話都未有得玩住囉」(唔係掛， 咁我咪仲有排等？)

新春大減價，今日3折超抵 $47.4 各掃了Brave弓箭及Q版飯盒套裝。50元有找買到迪士尼飯盒，還附一個我最愛的粉紅手提袋，超超超值到無話可說。

童話園林真的人山人海，不過上次逛過一次，今日SY說要帶媽媽入內轉一圈，如果不想靚相攝入太多人頭，看來可能要再過一段時間，等大家熱情冷卻再去會好少少呀！

之後， 我們就去明日世界餐廳醫肚，我說:「不如叫白兵漢堡包…...」SY:「我要黑武士，唔要白兵(我:車！ 你都剩係食薯條， 個包對你都無影響)」

SY:「梗係唔係啦，我鍾意食白食個包呀！好好味，我唔鍾意食麥當勞個包啲皮，依個白色皮好好食架」(係！我都覺得依個中式皮好好食)

杯緣子迷的阿太，一早已預告要影米奇杯緣子。而佢左影右影最後認為:「最佳位置都係堡壘前面，借埋你隻米奇Be@rbrick畀我啦。」

影完杯緣子，工作人員David走上前:「不如同你影張家庭相啦。」(嘩！有專人幫手當然好)

而用完我相機，David又用他的Canon繼續幫我們及SY不停影足十多張...…好心機得似我付費買了攝影套餐一樣。

在毛毛雨的情況下，不過最後「姑寒」的我，好Cheap的也是沒有購買，辜負了David一番心機添，有點不好意思...…

臨走前，SY在美國大街商店對我說:「爸爸！你無得同真Baymax影相，不如攬住隻公仔影啦 (我:都唔同，咁細隻)，好過無得影啦」(咁又好似有道理喎)

大仁生活