【唔係唔食啊？】超人氣！韓式芝士拉雞半價優惠

「半價食芝士拉雞呀！！ 一陣去食下午茶啦！！」上星期本來我約同事去食好東西，結果...…

原來， 這間在深水埗新開的119要中間休息， 十分氣餒的我:「乜韓國都有落場架咩...…唉！失望死」

心有不甘， 決定要星期六帶SY去食，致電店舖留枱，店員說:「周末無得電話訂位，一係Walk-in，一係經OpenRice訂枱」(無端端點解要經OpenRice訂？咁奇怪？？)

這間由元朗衝出來開分店的韓食，裝修得非常Raw，SY:「點解咁似迪士尼灰熊山谷嘅，驚唔驚架？」(係喎，其實可以攪防空洞主題餐廳喎，一定好好Feel)

傳統的大水桶坐椅，SY好興奮:「放衫放袋咁得意...…哈哈哈」，終於今日小朋友不停開蓋、關蓋，又要玩坐無影凳，一個水桶都玩一餐。

韓食的超大支特飲， 次次都飲得仁好開心， 今次的棉花糖雪碧 ($48)與 芒果Smoothie Light ($68)一樣好睇又好飲。

本來應該用雪碧淋棉花糖，但糖果殺手又怎會批准我「浪費」他的最愛呢？ 

結果幾經辛苦， 才「氹」到他留一部份給我作棉花傾瀉...…其實粒粒蘋果在杯底，如果給我粗飲管會好好多。

芒果有燈泡雪碧，賣貴$20就有少少不值，我好貪心問店員:「個燈泡可唔可以攞走？」

店員奇怪答:「唔得喎，係我哋舖頭嘅」 (咁$20貴係邊呢？唔知道。)

因為直至1月31日，119的 空軍芝士烤雞(半份雞) 及金湯奶奶雞(半份雞) 都是半價 $64，但原來每組客人只可以二選一，我揀了前者。

本來我想正價點奶奶雞，不過阿太說:「點食得晒呀？ 不如你叫燒肉生菜包啦！ ($68)」其實，我望著旁邊的小情侶手拖手，連最後一滴金湯也喝盡...…

我真的好想食喎。

揀飲擇食的SY，一見大大塊燒肉便搖搖頭，因為換牙關係，他最近很抗拒食肉。不過，今晚有例外，全因為太好味。

看似放涼了的燒肉，在毫無期望下，超好食。驚喜程度更勝第二年又見光洙魯芬賣能得利廣告！

入味的五花腩，肥肥瘦瘦，外層輕脆， 身韌也不會有點韌，我和囝不能吃辣便不加酸辣泡菜，故包上生菜，絶對係開心大發現。

之後主角出場啦...…空軍芝士烤雞...…嘩！一個地盤泥鏟盛上，店員:「芝士溶你就叫我啦，我嚟幫你攪…...」

不過，怎樣先算溶呢？ 於是我們左影右影，芝士開始有反應， 我問:「得未呢？」三個人六隻眼對望，還是決定等到瀑瀑瀑的情形下先找店員啦...…

誰知男店員臉有難色，攪了數下竟然對我說:「唔好意思，太燶啦，個底食唔到，我換過新一份畀你哋」(吓？？ 乜度依啲服務咁好嘅？)

(多唔多人好似我哋咁架？) 店員:「無緊要，燶咗點食啫！」

不過， 原來只懂焗杯麵的我， 連拉雞也知從何入手。

嘩！ 專業與外行人的分別，真的似毛記電視與無記電視的節目內容一樣，真功夫果然好睇好多。

不過...…點解辣得如此緊要呢？ 我對阿太說:「上次尖沙嘴韓國街食拉骨都唔辣架喎…...」對於慣辣的阿太又輕輕鬆鬆鄧梓峰。

但我則一邊食一邊滴汗，SY則用半杯雪碧， 伴食了一條年糕、一粒薯仔便棄權。我有點點失望，因為我只吃到辣味，甚麼雞味、薯仔味全部沒有。

臨走我問店員:「兩款半價嘢，邊樣最多人叫？」店員:「鐵鏟芝士雞，可能D人嫌奶奶雞唔辣(我唔食得辣)， 咁你下次再嚟啦， 半價做到月尾嘛」

離開灰熊山谷，我發現我們的犧牲品，好對不起這半隻雞...…所以合照一張。

SY:「係我哋頭先嗰個咩？ 點解擺係度呢？畀邊個食？」 (燶燶拉雞邊個食， 無人食， 無人食…...)

空軍芝士烤雞(半份雞) 及金湯奶奶雞(半份雞) 半價優惠至1月31日

119 Korea Station
地址：深水埗欽州街
營業時間：星期一至五：12nn-3pm、6pm-11:30pm


大仁生活