【油麻地都跟團玩？】果欄變一田！！水果零售任試任食

上星期日，我們參加了親子油麻地導賞團，出發前阿太說:「油麻地我哋都要去導賞？？ 我日日行喎！」

SY聽到又接口:「係囉！！現時點、信和，我都識晒啦」. (No， No， No...…今日係深度行呀！)

我們先在地鐵站集合，之後便一行20人漫步到果欄。從未想過自己會跟團遊自己屋企附近，忽然去油麻地都勁似築地Feel。

Candy姐姐解釋，原來果欄是填海得回來，已經有100年歷史，「小朋友， 你哋睇下果欄嘅建築物， 分晒名就係不同檔位。」

一直以為果欄是凌晨工作的地方， 原來現在星期日比花園街更旺， 而且幾乎8成賣外國入口水果...…

阿太:「依家果欄檔檔都有試食咁好？」

大驚小怪的我答:「係囉！我都以為自己去咗一田，乜果欄E家咁HIGH，專人畀你試食，真係咁好服務，諗都無諗過。」

老闆娘:「西班牙林柿試下食啦！睇下甜唔甜」為食仁即時放入口:「麻麻地咋喎。」

老闆娘立刻從枱底再拿出保鮮袋包裹的另一柿:「試埋個日本味，包甜！」(果然日本水果先係皇道)

食完生果， 就去了窩8睇豪宅...…Candy姐姐:「小朋友， 你哋認唔認到舊相即係邊度呀？」某小朋友:「咪對面囉！」

原來100年前， 這個舊水務署工程師辦公室，之後又做過郵政局、公廁及垃圾收集站...…

SY即時雙手掩鼻:「廁所？？垃圾站？？咪好臭囉」

（點會臭吖， 10年前都變咗曲藝中心Office啦)老實說，當年的郵局跟現在又真的沒有任何分別。）

一個簡簡單單的天秤就已經可以吸引所有小朋友的注意力，我問SY:「你知唔知係咩嚟？」

SY:「梗係知，磅重吖麻， (你點知嘅？)，我有聽哥哥講囉」

婆婆從事利和秤號已經70年，她回憶:「我十幾歲就落嚟幫我阿爸手，到我阿爸無做，就我做囉，好多鬼佬都嚟幫襯我架，D人鍾意懷舊嘢吖麻。」

今日婆婆受盡所有小朋友愛戴，因為婆婆有求必應，鎖匙、電馬、車仔， 有妹妺拿出自己的小布髮圈給她磅， 婆婆:「妹妹， 依個咁輕點磅到呀？」

玉器市場連我也只去過2-3次，對小朋友來說肯定是第一次，導遊姐姐說:「小朋友！ 依度就係玉石市場啦， (小朋友大叫:肉？ 豬肉市場？)」

之後導遊姐姐拿出自己私伙玉吊飾，眾人齊聲:「哦！ 依啲唔食得嘅玉—」

今次導遊姐姐想小朋友走入玉器市場找找非賣玉器的攤檔，原來內裡有幫填報稅表十多年的梁伯伯。

梁伯:「我哋依家係淡季， 最多人搵就係4-10月， (我搵你幫我收幾多錢架？)， 都係七十幾蚊啫」

幫我填報稅表的阿太即說:「唔該以後畀返70蚊我一次呀吓」

我問導遊哥哥:「你哋成日帶團遊油麻地架？」導遊哥哥:「最少都過百次啦，不過一般係外國大人團，小朋友都係第一次。大人我哋會帶去睇廟街、歌廳， 講解下入夜後的黃色廟街生活...…」

(嘩！好似大人團吸引好多， 啱我多D喎)

活現香港-Walk in HongKong

大仁生活