分手總愛找理由：去邪骨等於睇場戲？

分手總愛找理由：去邪骨等於睇場戲？

筆者頭先睇到有網友響Facebook度訴苦，話佢男友嘈哂要同佢分手，筆者望一下內文，嘩！認真係不得了，原來佢同佢男友半年前已經分過手，後尾又響返埋一齊，不過後黎又俾佢知道左佢男友響分手期間去幫襯過邪骨，佢男友解釋係因為大家分開左所以先至會去，所以情有可原要佢接受，咁個女仔雖然唔係咁鍾意不過都肯算數繼續同佢男友一齊，到後尾咁岩又俾佢男友知道左佢響分手期間都有約過一個男仔出黎睇戲，結果佢男友就話咩唔會再接受不平等，要同女網友佢分手…

其實男女之間既野，合則黎不合則去，其實真係好閒架啫，不過用呢啲咁鬼低能的藉口，筆者又真係第一次見喎，坦白講丫，你去搵邪骨時就笑笑口叫人地去接受，人地只不過同個男仔去睇場戲架啫，就即刻嘈到拆天話要分手，男人既面都俾你丟光啦，想分手就乾脆啲直接了當咁講分手，唔好用埋呢啲咁騎呢理由，都已經要分手喇就唔該好心留返個好回憶俾人，唔該哂！