【荃灣驚喜】良心小食部~真‧必食三寶

其貌不揚的食肆， 分分鐘禾稈冚珍珠！ 看似隔涉的地方， 原來由大窩口散步過去也不用10分鐘. 正正望實熊貓酒店一直行就到.

主打外賣的「鮑記大食部」， 阿太一望到就細細聲:「要企係度食㗎？」富仔聽到即答:「唔好意思， E排食環捉得好緊要， 可能要坐高凳食...」(我:嘢食好味先係重點)

(鮑記最好賣係咩呢？)， 阿富即時回答:「一定係魚蛋， 叔叔， 姨姨， 學生仔行過都食， 我自己都得閒就食幾粒， 因為真係好食麻」

我:「老實講， 真係同粉嶺四眼仔有得Fight， 好食喎」， 富仔:「我哋最初試咗好多款， 先揀到E款魚蛋， (我:有咩秘方㗎？)， 油炸， 拖一拖油就好啦， 最緊要唔好長期浸住水」

哦！真心好好食， 星期日買$20魚蛋， 多送8粒...但大家不要學我分開買$20， (無得送呀！！嗚~嗚~嗚) 超彈牙， 又入味. 

燒羊㗎有大細之分， 細羊㗎也只是$20， 望實師傅燒， 香味已經源源不絶由煎板上傳來， 香到死. 有點後悔不叫個大羊.

好食！肉嫩又不會不會太多肥膏， 所以少少騷味最合我心意...救命！！點解我只叫小羊， 我下次要食大羊㗎.  

今日最期待的「爆晒醬芝士牛堡」($40)， 不得了兩位大師分工合作， 先由富仔煮溶芝士醬...(嘩！真係好多芝士㗎！！)

之後師傅由原隻菠蘿切出兩片， 與手打牛肉一起煎， 還要灑少少酒， (好有氣勢喎！師傅) 大師答:「配少少酒， 好食好多㗎！」

不得了！ 漢堡包一上枱， 不感興趣的SY都罕有說了一聲:「好多白色汁(芝士嚟㗎)呀！ 不過最衰無得加薯條」

超值漢堡！ 真‧手打零舍不同， 肉味夠， 有咬口， 存在感又夠， 食粉NoWay， 原汁原味.

我肯肯定全荃灣線最有誠意， 最好食手打漢堡包.  

鮑記漢堡超足料， 不過限量供應， 師傅:「我哋得一對手， 有限公司啦， 一般都係做到60個左右」好彩我中午過來， 估計晚飯前都會無得食. 

SY指定要食$20大大碗燒賣炒烏冬， 我沒有興趣， 因為我正在等我的最愛. 燒菠蘿($25). 

燒菠蘿最開心， 因為燒完外層乾乾地， 暖暖的菠蘿肉會變得特別濕潤， 不過今日的菠蘿較淡口. 師傅說:「用菲律賓菠蘿比較甜， 不過都要睇季節性， 可能E一批唔啱時候」

原來開業半年的「鮑記」， 是一間與少年中心合作的小食店. 富仔:「因為我哥哥係社工， 所以就想用E度， 培訓一D升唔上大學嘅年青人」

(咁有意思， 係米專培訓廚師？). 富仔:「唔係！ 只係作為一個平台， 最希望可以幫到佢哋係工作上正確態度， 不過我哋暫時仲申請緊政府資助， 等緊批」(希望龜速政府做嘢手腳可以快D啦) 

ps: 這裡三款涼茶都係自己煲...痴線， 又要打漢堡， 又煲涼茶， 仲有每日糖水， 富仔究竟駛唔駛瞓覺？

鮑記大食部超強三寶: 魚蛋， 羊架， 漢堡包.

地區:荃灣荃華街36-48號富麗花園B商場地下38A舖
星期一至日: 14:00-00:00

大仁生活facebook