情人節限定！三重朱古力脆脆波

Lady M 開張半年， 其實我很Out， 今日才第一次光顧...…下午16:30堂食人龍最少40人;外賣那邊也有10人，真勁！！

今日來並不是因為她的蛋糕， 而是被她新推限量一個月的「情人節限定朱古力脆球」（Valentine's Day Special）（$138/個）.

我對SY說:「我頭先買咗個情人節朱古力波波，一陣可以食喎」， SY:「咩係情人節？ 」

(2月14號就係情人節囉) SY:「係咪慶祝幪面超人Wizard「操真晴人」生日呀？ 不過咁早慶祝嘅？ 依家先係一月」(係囉！！早咁鬼多)

其實， 我怕限量生產會一早售罄， 所以昨晚1900致電LadyM:「請問情人節波波仲有冇貨？」

店員禮貌回應:「係！仲有幾個嘅」(哦！咁即係下晝嚟實買到啦)

這個十足「棒球」Size的朱古力波， 上面加了一個心型朱古力，再用仿戒指外盒包裝，本來平平無奇的朱古力， 由Lady M施法術，即時可賣貴10倍。

我:「出面咁鬼多朱古力粉嘅， 好鬼苦」， SY:「唔係呀！ 入面好多朱古力Mousse...…好好食呀...…爸爸…...白色咩嚟，脆脆地又係好好食㗎。」

名牌果然零舍不同， 朱古力脆層加入杏仁碎，慕絲又減甜，中間混入略帶少鹹蛋白脆，絶對一粒波波，三個層次。

$138絶對上等人價錢，不過一次半次，窮仁都扮一次上等吧！ (不過太多朱古力粉，食完一枱朱古力，抹餐死)

Lady M
地址: 尖沙咀海港城海運大廈二階OT21K號鋪
供應: 直至2月21日


大仁生活