【尖沙咀好有機】Hello Kitty教你健康過Green Living！

今日走到尖沙咀K11，SY忽然大叫:「爸爸！你睇對面有咁大隻Hello Kitty」心諗:「Kitty又係尖嘴開Cafe？ 過去睇下先得」

一走入店內， 發現原來今次Kitty不是開餐廳， 而是賣有機食品。

阿太立即說:「依隻咪係， 年半前我哋去錦田嗰個Kitty農場個Kitty公仔？」

店長Raymond聲到回答:「係呀！ 我哋同有機薈係同一個集團嚟㗎， 因為我哋想將有機， 天然食用品推廣畀多D人識」

當我正在研究Kitty蜜糖之際，SY走過來:「依支捧捧做咩㗎？ (我:梗係買蜜糖就送畀你攪囉)」

Raymond又聽到我講錯， 於是答:「其實支木棒要另外買嘅...…(我好瘀呀！) 因為蜜糖唔可以用鐵羹，會破壞咗當中嘅營養，所以用木棒就最好」

心諗:「哎呀！ 我飲咗幾十年，次次都用鐵羹，今日先知，原來我白飲咗30年呀？？」

雖然這裡的蜜糖不設試食， 但曲奇則可以試完再試. 阿聲: 「我哋有5款曲奇餅， 全部人手造， 雜錦罐裝有埋個Kitty罐靚D」

一講到免費食曲奇，SY可以好大膽，面懵懵又問又食又問又食...…「爸爸！朱古力好好食！！」(其實問佢都係多餘...…)

阿太:「深色嗰款無咁甜， 又有燕麥...…我鍾意多D」 我:「$208蚊新年用嚟送禮好呀！ 過兩個星期先嚟買」(免費試食著數咗先！)

除了試食，有機果汁一樣有得試飲...…最清， 最回味一定是洛神汁，我問SY:「鍾唔鍾意飲呀？ (SY:有冇可樂㗎...…)，真係無你咁好氣， 無呀！」

最攪笑阿聲:「你要唔要買包我哋農場種嘅有機菜呀？今晚返屋企煮喇。我成日買㗎， 因為我自己晚晚都煮飯」(我哋無飯家庭， 買包菜盞嘥)

有機糙米都有分入門及進階級數？ Raymond:「有機水晶經過打磨，似日本珍珠米，攞晒有機認証㗎」

(點解依包有對筷子嘅)， Raymond:「E個係米嘅送禮包裝， 有一個大絲巾， 送多一雙筷子， $128. 塊絲巾可以如果中午帶飯返公司， 做環保袋用」

阿太發現有護膚品，左望右望，店長Raymond夠醒目:「要唔要試一試，澳洲嚟嘅，通過晒驗証」

SY見媽媽有得搽， 他又伸手試搽...…「小朋友， 你對手咁滑， 駛鬼潤膚咩， 幾十歲女人就梗係要啦！！」

(其實你哋又會揀尖沙咀開舖頭？) 店長:「我哋想推廣Green Living， 唔止係香港人，因為依度多遊客，咁可以容易D接觸得到世界各地嘅人，宣揚綠色生活」

要唔要試一試，澳洲嚟嘅，通過晒驗証」SY見媽媽有得搽，他又伸手試搽...…「你小朋友對手咁滑， 駛鬼潤膚咩， 幾十歲媽媽就...…都梗係唔駛，不過搽」炎炎炎炎炎炎炎炎炎炎炎火

PS: 阿聲及Joel並不是店員， 他們是營養師， 我真的有眼不識泰山， 難怪他們可以講得頭頭是道啦！

HELLO KITTY GREEN LIVING
地址︰九龍尖沙咀彌敦道54–64號美麗都大廈46號舖
營業時間︰星期一至日 上午11時半至下午9時


大仁生活