【菊花燒著了】雜食變正餐．意粉變龍鬚糖！

汕頭街新開一間鮮橙色本搶眼的意粉屋，老闆Roberto勁友善，我對他說:「廿年前依個舖位係間日本料理，我成日都嚟幫襯，不過後尾搬咗過對面，就愈來愈差，乜原來執咗添呀？」  

西班牙混血兒的Roberto答我:「執咗幾年啦！ (我：嘩！原來我咁多年無嚟)」

我說:「我專登過嚟食你哋個龍鬚糖意粉架！」

Roberto說:「唔好意思，個龍鬚糖要早一日前預訂呀！暫時無現貨」，極失望的我:「哎呀！咁唯有我訂咗星期一再過嚟食啦！」

過了3日， 我們又再來Cheeky， SY指定要食肥嘟嘟薯條 (連雞翼$44)，這個名字改得極搶。

老闆說:「人哋個餐牌一定無『肥』字啦！！我就唔怕， 因為要襯返我哋個舖頭名~Cheeky嘛」

我不明白為何SY如此愛薯條， 即使麥當勞也只吃薯條不吃包， SY:「薯條好食！！ 爸爸你唔覺得咩？」

雖然Cheeky的薯條是有誠意的連薯皮的口味，但老仁家也是怕熱氣喔！

Cheeky很有快餐車Feel，因為這是老闆的意願:「我專登要搵一個屈頭巷，無乜車，你唔覺個環境好日本Feel咩？」

(點解你唔開多兩張枱， 等多D人食得到嘛) 

Roberto說:「大排檔咩？！ 我就係鍾意企係依個窗口，可以同客人傾到計...…放張枱出去，完全唔係嗰回事」

今日我又點了名震江湖的火燒菊花($58)，這是勁愛食辣的女廚師阿芙精心研製的。

(阿芙正正就是Cheeky的生招牌，我說:「個公仔似係肥婆， 妳咁瘦」，阿芙:「林祥焜幫我哋畫架，我專登叫佢畫肥D，得意D呀！」)

我當然是揀最BB辣...…不過已經辣到跳舞， SY嗅了一下， 已經眼鼻扭曲，之後他用舌頭舔了一口，即時連膠叉也拋掉，大叫:「水呀！水呀！好辣」

對於不能吃辣的兩父子，其實BB辣也很辣...…

阿芙說:「因為我用咗4隻亞洲辣椒， 你會食到4種層次— 辣、 酸、 甜、 麻。」

（我:真係好麻，好彩買咗枝荔枝汁解辣）

不能吃辣的Roberto說:「整個餐牌我都有試食，只係唯獨火燒菊花食唔到，如果你食第三層，第二日真係會有同樣感覺架，所以我先改依個名。 」

最後是...…我最期待的凍食意粉龍鬚糖出場！

Roberto解釋由來:「有一次，阿芙食Pizza味薯片。我話，奇怪！點解你唔直接食Pizza呢？於是我就諗到零食變正餐，青豆芥末意粉、龍鬚糖意粉，就係咁樣誕生。」

用意粉代替麥芽糖做龍鬚， 而且凍食意粉真的第一次， 沒有想到意粉都可以當甜品。我對Roberto說:「好健康，而且又夠飽肚，原來甜食龍鬚糖咁過癮～」

正正因為剛才辣完，所以食又甜又凍的甜品更加正，不枉我專誠再走過來灣仔，雜食變正餐， Roberto！好嘢！

Cheeky Pasta

地址 灣仔汕頭街 4 號 B2A 舖