Little Twin Stars Cafe 食食食 星星薯餅最攪笑@ 朗豪坊 「滿記糖水」集團 100 BITES

昨日說到，朗豪坊的Little Twin Stars Pop-Up Cafe用了新的派籌方式，今次朝聖Twin Stars，不用再排隊4個鐘呆等，好快可以入場影影食食啦！！(詳情可瀏覽： Little Twin Stars Cafe 免排隊攻略)


Twin Stars Cafe 原名100 Bites，店內約20張枱，最有特色的當然是，粉紅Lala及粉藍Kiki包廂，不過因為是4-6人枱，今次無緣享用。

可能已經有珠肉在前，所以對於餐廳牆身，枱面設計，大門口的影相位等等，雖然是可愛，但有點與上次「 My Melody & Kuromi Cafe」的格局相近似，會不會是因為流於公式，所以自己覺得新鮮感及驚喜欠奉。

其實上次的Ishiyaki+Cafe (即變身成「 My Melody & Kuromi」主題餐廳的 Cafe) 大至上感覺落足心機多一點，今次的100 Bites，真的如同一般糖水店「臨時」變身成主題餐廳一樣，單單就全店的坐位也是塑膠圓凳，就已經大打折扣。

還有上次的Ishiyaki+Cafe，店主備有6-7款不同大大小小的Melody毛公仔供食客借來拍照，可惜，今次的Cafe來來去去也只有同款的一對Twin Stars 小手枕，點解道具如此少。。。嗚~嗚~嗚

店員態度好，可惜估計又是「臨時拉夫」的原故，一來對套餐的熟悉程度有限，二來「生手」的店員，竟然可以整杯Lala士多啤梨香橙特飲，傾倒至我旁邊客人全褲盡顯，如果我是當事人，也不知如何是好，本來開開心心來午饍，「黐納納」的真不知繼續食，還是離開買褲好呢?

今次Twin Stars Cafe 與 Melody Cafe 一樣只售套餐，最豐富的是 All Day Breakfast。如果以食物質素來說，絕對是那外層煎得脆脆的大肉腸最吸引。不過，我問店員，窩夫會不會可以提供醬料伴食呢? 結果是「無」。

伴隨在則的星星薯餅值得一讚，可惜這就是唯一與Twin Stars有連繫的地方，還是覺得大坑的「Hello Kitty Secret Garden」的All Day Breakfast有心思得多。

建議其實可以在大肉腸，炒蛋及蕃茄上印上特別Lala，或Kiki笑笑臉，包保客人愈食愈開心。

Kiki椰子菠蘿特飲 與 Lala士多啤梨香橙特飲，一樣是紅藍色的選擇，上次到銅鑼灣的「ZUSHI ANA」一樣有相近似的特飲，雖然兩間的鮮紅特飲也略帶藥水的感覺，不過別人的椰子特飲非常好味。

可能椰子不能配菠蘿，所以就連嚐甜如命的阿囝也說：「唔好飲嘅」！哈哈。。。因為這杯Kiki特飲較藥水更藥水。

早知跟餐點選正正常常的淺啡色的「Lala意大利泡沫咖啡」及「Kiki鮮奶咖啡」，味道正常，兼又可以有咖啡粉主角樣貌給我合照。

班尼迪克蛋上的荷蘭醬如果也可以塗成星星型態，這款主菜一定更吸引，因為班戟也可以有星星形狀，熱狗又可以配星星及月亮薯餅，為何我們點這款班尼迪克蛋與Twin Stars的聯繫近乎零呢?

不過蛋漿絕對飽滿，只是個人不太愛鹹鹹的煙三文魚罷了。

今次我比較失策，因為忘了提醒店員要將芒果脆脆窩夫配雲呢嗱雪糕延遲一點上枱。結果，所有食物火速上枱，於是我們唯有快快影，快快食，但無奈吃罷主餐，雲呢嗱雪糕已溶了一半，白朱古力的Twin Stars小牌也被雪糕淹沒了。

不過，不能不讚慣常制作甜品的滿記集團，甜品味道真的較主菜為佳，這款窩夫配雪糕，味道真的勝過很多其他Cafe。

其實，今次 Twin Stars Cafe 的食物上都有花了心思，起碼部份食物也不只插支小星星旗幟，就扮主題食物，希望之後再有主題Cafe來港時，由裝修到擺設，由公仔同食物，每一樣均多點與主題人物有聯繫，不竟愈能夠多接觸偶像，粉絲就會愈消費，得益依然是餐廳。

上次食完Melody Cafe，換了一隻靚靚的Melody瓷碟，今次也不例如，吃完Cafe的首要任務，就是到商場繼續消費多$500元。

因為儲夠消費$800，就可以加$60，一次過換取一套兩隻的Twin Stars瓷碟，本來要消費$1600的呵。。。哈！！真的覺得好抵，因為一對Lala，Kiki瓷碟實在靚到不得了。

相關網誌：

Little Twin Stars Cafe 免排隊攻略 @ 朗豪坊

「滿記糖水」集團 100 BITES

Zushi ANA 變身One Piece主題餐廳一日限定 @Times Square

Hello Kitty 秘密花園 勁好氣氛 @ 大坑 的Secret Garden