老細每一秒都諗緊點剝削人（扮公室政治）

前英國首相邱吉爾講過「樂觀的人在危機裡看到機會；悲觀的人在機會裡看到危機。」我今日要加多句：「做老闆的人永遠看到剝削的機會！」

話說有位行家公司慶祝某位同事生日，嗌外賣Pizza，點知漏左個「Pizza saver」 (中間果個三腳架，用黎固定Pizza)，結果個Pizza就痴左底。

同事見到都無咩大問題，諗住小事。點知老闆突然拍晒手掌，話影張相Send 個Email去Pizza公司度投訴，叫佢送個新既黎。

結果人地公司真係願意送個新既黎，老闆好開心係度認叻，員工就心諗「老細，你真係每一秒都諗緊點剝削人，唉！」