【激死先人系列】黃先生接Show價暴增！

近日各公司都籌備緊Christmas Party 同 Annual Dinner，咁一定會請藝員嚟表演啦。

Annual dinner梗係搵明星演出啦，有網友問到家陣呢啲晚宴各藝員的價錢，其實我只係HR，唔係我負責，但大概都聽過幾個，

係度同大家Share：

Sugar組合 - 2萬起

長頸鹿小姐 - 10萬起

黃先生 - 20萬起

有行家公司一早搵左黃先生做表演嘉賓，當然係老細呢個年代既人Order啦，我地呢一代梗係想Sugar組合嚟......點知今朝行家收到電話，黃先生經理人打嚟喎。

經理人：「相信大家都知道近日黃先生嘅事。件事發生左之後我地接嘅Show大增，所以之前我地同貴公司傾落個價錢，要加20%- 40%。」

行家心諗傻的嗎？減4成都無人要啦？點知老細話黃生呢輪咁Hit，去邊度做Show都一定有傳媒跟，所以加價都正常喎。

行家同我講，老細有錢唔該花紅出多啲啦 -_-！