喜帖內有信封同一隻雞

近日樓價開始跌，有幾位同事拿拿臨入市結婚。不過家陣啲新人派帖真係亂黎。

早前有網民講過有新人入Coupon當利是派，今次收到呢封帖又無咁嚴重，不過都幾離譜。

 1. 舊白信封

大家都知帖入面一定有利是，點知果封利是竟然係用一個白信封裝，仲要係殘舊用過果隻！派帖位同事話為左響應環保喎！

 2. 現金劵有隻雞

有啲新人利是只係入$10，我覺得無所謂，視乎個人經濟能力，唔好入Coupon就得喇。如果有同事入現金劵我都覺得Okay，但唔該唔好入隻有個雞樣嘅現金劵囉，超級唔好意頭！

(我知果隻唔係雞，但似都死啦，結婚好講意頭，尤其係老人家)

奉勸各位新人，結婚呢啲咁傳統嘅嘢，都係保守啲，傳統啲好。