【PatPat變畫筆】藝術家的誕生：用身體畫油漆畫

阿太知道我今日帶囝參加「ohmykids 玩學團」全身嗱喳藝術畫，第一句便問:「你唔係有潔癖嘅咩？」

我輕鬆答:「污糟都係阿囝之麻，又唔係我，而且完咗有你清潔，咁我駛乜驚呀」(阿太:你唔好旨意我呀！ 我要影杯緣子架)

巴士上阿囝問:「爸爸！今日我哋去玩咩？」， 我答:「去畫畫...…(囝:吓？ 我都唔鍾意畫畫)，有得跳舞，同唔係用畫筆，係用你手手腳腳，PatPat嚟畫架...…」(囝:你唔好講笑喇， PatPat點畫畫？)

今日的藝術現場是九龍城豪門2樓Ludus Club， 不好意思！！因為遲到，所以全部小小藝術家已經開始了「局部蹋塌創作」.

每位小朋友有一個小小的顏色膠盤， 不過在未適應的情況下，SY只是手持油漆，油掃在大大的白紙上，前前後後，左左右右不停油。

之後菁菁老師開咪鼓勵:「大家不如試吓用膝頭， 手踭嚟油啦」， 加上現場又吉他，又打鼓，小朋友愈油愈興奮。

同一時間， 我見有工作人員， 又在兩個大大膠盤加顏色...…我:「你哋做緊咩？」， 工作人員:「哦！加多D顏色， 等小朋友可以坐入去， 再四周油」(嘩！咁激？？)

當一切準備就緒， 小朋友便排隊變身油漆俠...…嘩！坐入2吋油彩顏料盤，絶對PatPat都可以變畫筆，菊花都可以填色。精彩！！

不怕蹋塌就是小朋友的名字，他們坐完就跳出畫紙印印印，之後又再排隊添油，繼續塗抹磨，掃轆畫。

未有最瘋狂， 只有更癲喪， SY笑得見牙不見眼...…因為他不停追著老師，希望被油漆射勻全身...

全場嘻嘻哈哈之際， 阿囝竟然不知從那裡找來一支油漆， 情不自禁向自己雀躍發炮。(其實係咪真係咁好玩呀？)

最後， 大大畫紙變隊道， 滿身油漿的小朋友們， 齊齊火車捐山窿， 便完成了今次的藝術創舉

朋友問:「你敢行入畫紙咩？」 哈哈了兩聲的我自豪答:「小心睇路， 我不停避開， 迎面衝過來的顏料小朋友， 所以零中招」

不過， 清潔功夫也不簡單。SY:「腳趾罅都有呀！ 好似吸血殭屍咁嘅...…哈哈哈！！」

其實不止腳趾， 整條底褲， 甚至PatPat都是淺綠色的...…SY:「哈哈哈！！ 真係PatPat都有...咁攪笑， 哈哈哈！」

大會有暖毛巾供應， 而且潔癖家庭足足用了5， 6條之多...…

菁菁老師問SY:「好唔好玩呀？？」SY點頭， 我搭訕:「你又話唔鍾意畫畫嘅？？」SY想也不想:「今日係玩顏色， 好玩好多呀！」